რუსეთის ცესკო ამტკიცებს, რომ ვლ. პუტინმა ხმების 87,2% მიიღო

0
83

რუსეთის ცესკოს ცნობით, უკვე დათვლილია საპრეზიდენტო არჩევნების ბიულეტენების 99,7%-ზე მეტი და საპრეზიდენტო არჩევნებში ვლადიმირ პუტინმა ხმების 87,2% მიიღო.

მის სასარგებლოდ ხმა მისცა 76 მილიონმა ამომრჩეველმა, რაც, კომისიის განცხადებით, “უპრეცენდენტო მაჩვენებელია”.

პრეზიდენტობის კანდიდატებიდან მეორე ადგილზე კომუნისტი ნიკოლაი ხარიტონოვი გავიდა, რომელმაც ხმების 4,3% მიიღო, მას მოსდევს ვიაჩესლავ დავანკოვი (“ახალი ხალხი”) -3,8%-ით, ხოლო ბოლო ადგილზე გავიდა ვლ. ჟირინოვსკის “მემკვიდრე” ლეონიდ სლუცკი, რომელმაც ხმების 3,2% მიიღო. ოფიციალური და საბოლოო მონაცემები 21 მარტს გამოქვეყნდება.

რუსეთის ცესკოს მიხედვით, არჩევნებზე გამოცხადების მაჩვენებელი 77,4% იყო, ხოლო სულ არჩევნებში მონაწილეობა 87,1 მილიონმა მოქალაქემ მიიღო.

რამდენიმე უბანში ვლ. პუტინი მეორე ადგილზე გავიდა. მაგალითად, ნოვოსიბირსკის უნივერსიტეტში გახსნილ საარჩევნო უბანზე დავანკოვმა ხმების 42,5% მოაგროვა, ხოლო მეორე ადგილზე გასულ პუტინს ხმების 40,7% ჰქონდა.

წინა სტატიასაავადმყოფოში შვილთან მიმავალ ქალს მანქანა დაეჯახა – შემთხვევა ბათუმში
შემდეგი სტატიაპუტინმა მოღვაწეობა ჰააგაში განსასჯელის სკამზე უნდა დაასრულოს – ზელენსკი
ტელეკომპანია ოდიშის საინფორმაციო სამსახური