დაზიანდა სახლები, მანქანები, მიმდებარე ბინებში ჩაიმსხვრა ფანჯრები – კორპუსში, სადაც აფეთქებას ნგრევა მოჰყვა, 93 ოჯახი ცხოვრობს

0
55

დიდუბის რაიონში, სამტრედიის ქუჩა #2-ში, კორპუსში, სადაც დილით აფეთქება მოხდა ექსპერტ-კრიმინალისტები და საგანგებო სამსახურის ჯგუფები მუშაობენ. აფეთქება, წინასწარი ინფორმაციით, ბუნებრივი აირის გაჟონვამ გამოიწვია პირველ სართულზე მდებარე კომერციულ ფართში, სადაც სილამაზის სალონი იყო გახსნილი. შემთხვევის დროს არავინ დაშავებულა.

დაზიანდა რამდენიმე სართული, ასევე კორპუსის სხვა სადარბაზოების ბინებში ფანჯრები ჩაიმსხვრა, ნამსხვრევებმა დააზიანა კორპუსთან გაჩერებული მანქანებიც.

კორპუსში მცხოვრები 93 ოჯახი სასტუმროებში გადაიყვანეს. უცნობია იყო თუ არა კორპუსში უსაფრთხოების ნორმები დაცული.

“მიმდინარეობს გამოძიება, მუშაობენ ექსპერტები, რაიმე წინასწარი განცხადებისგან თავს შევიკავებ, სანამ გამოძიება არ იქნება დასრულებული”, – თქვა დიდუბის მაჟორიტარმა დეპუტატმა.

წინა სტატიასახალხო დამცველს ლევან იოსელიანს, მისივე თანამშრომელი ლევან პაპავა უჩივის.
შემდეგი სტატიათანამდებობის პირების რიტორიკა მიანიშნებს, რომ ხელისუფლება არ აპირებს ევროკომისიის რეკომენდაციების შესრულებას – TI მართლმსაჯულების რეფორმაზე
ტელეკომპანია ოდიშის საინფორმაციო სამსახური