“თავისუფალი რუსეთის ლეგიონი” ბელგოროდსა და კურსკზე ხელახალ შეტევას აანონსებს

0
87

პუტინის ამჟამინდელი რეჟიმის წინააღმდეგ მებრძოლი “თავისუფალი რუსეთის ლეგიონი” განცხადებას ავრცელებს, სადაც ბელგოროდსა და კურსკზე დარტყმებს აანონსებს და მოსახლეობას ევაკუაციისკენ მოუწოდებს.

ამავე დროს, ლეგიონი ადგილობრივ ხელისუფლებასაც აფრთხილებს, ურჩევს იფიქროს ადამიანთა სიცოცხლის გადარჩენაზე და დაიწყოს ევაკუაცია ბელგოროდისა და სმის ოლქებიდან.

შეგახსენებთ, რომ “თავისუფალი რუსეთის ლეგიონი”, რუსეთის მოხალისეთა კორპუსი და ციმბირის ბატალიონი გუშინ უკრაინის მხრიდან რუსეთის ტერიტორიაზე, მათ შორის, ტანკებით შეიჭრნენ და ორი დასახლებული პუნქტი დაიკავეს.

მათ იქედან პოლიცია და სამხედროები გააქციეს. მას შემდეგ, რაც დაკავებული დასახლებული პუნქტებისკენ კრემლმა დამატებითი ძალები გაგზავნა, რუსმა პარტიზანებმა რეიდი დასრულებულად გამოაცხადეს და უკან დაიხიეს, თუმცა, უახლოეს პერიოდში ახალი აქტივობის პირობა დადეს.

წინა სტატია“საკუთარ საქმეებს მიხედეთ!” – ნიკა გვარამია ოპოზიციაში მყოფ “მარცხების კოლექციონერებს”
შემდეგი სტატიანავალნის გარემოცვის წევრს ვილნიუსში თავს დაესხნენ
ტელეკომპანია ოდიშის საინფორმაციო სამსახური