“დონალდ ტრამპი უკრაინას რუსეთთან ომში ერთ ცენტსაც არ მისცემს” – ამის შესახებ უნგრეთის პრემიერ-მინისტრმა დასავლურ მედიასთან ინტერვიუში ისაუბრა.
ვიქტორ ორბანის მტკიცებით, ამერიკის პრეზიდენტობის კანდიდატს “დეტალური სამშვიდობო გეგმა” აქვს, რომელიც ბუდაპეშტის პოზიციას ემთხვევა, თუმცა უნგრეთის პრემიერს დეტალებზე აღარ უსაუბრია.
მისივე განმარტებით, ამერიკას აღარ სურს ევროპის უსაფრთხოების დაფინანსება.
შეგახსენებთ, რომ რამდენიმე დღის წინ ორბანი ტრამპს ფლორიდაში, მის რეზიდენციაში შეხვდა.