უკრაინის შეიარაღებული ძალების ყოფილი სარდალი ვალერი ზალუჟნი დიდ ბრიტანეთში უკრაინის ელჩი გახდება – უკრაინის პრეზიდენტმა განაცხადა, რომ წინადადებას მხარი დაუჭირა და მალე ეს ოფიციალურადაც გამოცხადდება.
შეგასენებთ, ვალერი ზალუჟნი უკრაინის შეიარაღებული ძალების სარდალი იყო რუსეთ-უკრაინის ომის ფართომასშტაბიანი ფაზის დაწყებისთანავე და მის სახელს უკავშირდება როგორც არმიის წარმატებული, ასევე წარუმატებელი მოქმედებები.
ვალერი ზალუჟნი გენერალ ოლექსანდრ სირსკიმ შეცვალა, რომელმაც, როგორც მოვლენების განვითარება ცხადყოფს, წინამორბედისგან განსხვავებული სტრატეგია აირჩია.
ამასთან, სწორედ სირსკის უკავშირდება უკრაინის არმიის წარმატებული კონტრშეტევა, რა დროსაც უკრაინელებმა ხარკოვის ოლქში მთელი რიგი დასახლებების დეოკუპაცია მოახდინეს და ზოგან უკრაინა-რუსეთის საზღვარზეც გავიდნენ.