თელავის სკოლაში მშობელმა შვილის თანასკოლელს სცემა

0
70

თელავის ერთ-ერთ სკოლაში მშობელმა შვილის თანასკოლელს სცემა. მომხდარს წინ უსწრებდა კონფლიქტი მეხუთე და მეშვიდე კლასის მოსწავლეებს შორის, რის შემდეგაც ერთ-ერთი მათგანის დედამ საქმეში ჩარევა გადაწყვიტა, სკოლაში მივიდა და მეორე ბავშვს ფიზიკურად გაუსწორდა.

არსებული ინფორმაციით, თავდაპირველად მე-5 და მე-7 კლასის მოსწავლეები ერთმანეთს ფეხბურთის გამო დაუპირისპირდნენ, რაც ფიზიკურ ანგარიშსწორებაში გადაიზარდა. მომხდარის დეტალები კი, მე-5 კლასის მოსწავლემ დედას აცნობა. ამის შემდეგ ქალი სკოლაში მივიდა და მე-7 კლასელს ფიზიკურად გაუსწორდა. ბავშვზე ძალადობა ვერც მანდატურის სამსახურმა და ვერც დირექციამ აღკვეთა.

კლასის ხელმძღვანელმა სამართალდამცავებს მიმართა. “მთავარი არხის” ინფორმაციით, ორივე მხარე უკვე გამოიკითხა.

მომხდარზე დირექცია დუმს. დეტალების გასარკვევად ადგილზე მისულ “მთავარი არხის” ჟურნალისტს მათ კარი ჩაუკეტეს და პოლიცია გამოიძახეს.

წინა სტატია“საარჩევნო ცვლილებები სერიოზულ ხარვეზებს შეიცავს” – ევროპის საბჭოს მონიტორინგის კომისია
შემდეგი სტატიათავდასხმა ოდესაზე პრეზიდენტ ზელენსკისა და პრემიერ მიცოტაკისის ვიზიტის დროს რუსეთის მშიშარა ტაქტიკის კიდევ ერთი მაგალითია ზურაბიშვილი
ტელეკომპანია ოდიშის საინფორმაციო სამსახური