შემოედინება დაფინანსება პრორუსული ჯგუფებისა და ანტიდასავლური პროპაგანდის გარკვეული ფორმების მხარდასაჭერად – ზურაბიშვილი

0
50

აქართველოს პრეზიდენტი, სალომე ზურაბიშვილი Sky News-თან ინტერვიუში კიდევ ერთხელ საუბრობს მომავალი არჩევნების მნიშვნელობასა და რუსეთის გავლენაზე. მისი თქმით, რუსეთის გავლენაზე ღელავს, რადგან საქართველომ იცის ბევრად უფრო ძლიერი ქვეყნის გამოცდილება, თუ როგორ შეუძლია რუსეთს არჩევნებში ჩარევა და ჰიბრიდული ომის გაჩაღება.

ჟურნალისტის კითხვას, ღელავს თუ არა, რომ რუსეთს ისევ აქვს “ამხელა გავლენა” საქართველოზე, ზურაბიშვილი პასუხობს:

“რა თქმა უნდა. ვფიქრობ, ეს ყველას უნდა აწუხებდეს, არა მხოლოდ ჩვენ. ჩვენ ეს გვაწუხებს, რადგან ჩვენი ტერიტორიების 20% ოკუპირებულია; ჩვენ ეს გვაწუხებს, რადგან ოქტომბერში ძალიან მნიშვნელოვანი არჩევნები გველოდება და ვიცით, ბევრი სხვა, ჩვენზე ბევრად უფრო ძლიერი ქვეყნის გამოცდილება – როგორ შეუძლია რუსეთს არჩევნებში ჩარევა და როგორ შეუძლია რუსეთს ჰიბრიდული ომის გაჩაღება. ამას ჩვენ პირადად განვიცდით – კიბერშეტევები, ეკონომიკური ზეწოლის შესაძლო გამოყენება, პროპაგანდა, მარგინალური ჯგუფების დაფინანსება. საქართველოში პრორუსული ჯგუფები ნამდვილად მარგინალურები არიან, რადგან ჩვენ ოკუპირებული ტერიტორიები გვაქვს და გვახსოვს…

ამავე ინტერვიუში ზურაბიშვილმა ისაუბრა საქართველოში პრორუსულ ჯგუფებზე და პარტიებზე, მათ შორის მათზეც, რომლებიც ამის შესახებ ღიად არ აცხადებენ:

“შემოედინება დაფინანსება ამ ჯგუფებისა და ანტიდასავლური პროპაგანდის გარკვეული ფორმების მხარდასაჭერად. საქართველოში ვხედავთ იმას, რასაც სხვაგანაც ვხედავთ და დარწმუნებული ვარ, წელს კიდევ უფრო მეტს დავინახავთ, ამიტომ ძალიან ფრთხილად უნდა ვიყოთ”.

წინა სტატიაევროპარლამენტმა უკრაინისთვის 50 მილიარდი ევროს ფინანსური დახმარება დაამტკიცა
შემდეგი სტატიააშშ-ის სახ.დეპარტამენტი: უკრაინაში ბრძოლის ველზე სიტუაცია უკიდურესად მძიმეა
ტელეკომპანია ოდიშის საინფორმაციო სამსახური