სენაკზე კლიპს, რომელზეც ბიუჯეტიდან 89 680 დაიხარჯება, “ღამის შოუს” წარმომადგენლებთან ერთად გადაიღებენ

0
52

“საერთაშორისო გამჭვირვალობა” საქართველოს ცნობით, სენაკზე მუსიკალური კლიპის გადასაღებად მუნიციპალიტეტის ბიუჯეტიდან 89 680 ლარი დაიხარჯება. კლიპის მუსიკალურ ნაწილში ძირითადად ტელეკომპანია “იმედის” “ღამის შოუს” წარმომადგენლები მონაწილეობენ.

კლიპის მუსიკალური მხარის ხარჯები – სულ 28 000 ლარი – ასე ნაწილდება:

ზვიად ბლიაძე – იდეა ტექსტი – 5 000 ლარი
გელა გნოლიძე – მუსიკა – 3 000
ზაზა ხუბუკელაშვილი – არანჟირება – 3 000
გიორგი გაბუნია – პროდიუსერი – 3 500
ჯიმო აბესაძე – კოორდინატორი – 3 500
აჩიკო ბერიძე – მომღერალი – 5 000
ანი კეკუა – მომღერალი – 5 000
მუნიციპალიტეტმა კლიპის გადაღების მომსახურება 2023 წლის 25 დეკემბერს გამარტივებული წესით შპს “20 Steps Production”-ისგან შეისყიდა, რომლის 100% წილის მფლობელი და დირექტორი ვლადიმერ კაჭარავაა.

“კომპანია მხოლოდ გამარტივებულ შესყიდვებს იღებს. მას დღემდე 923 872 ლარის ჯამური ღირებულების 7 გამარტივებული შესყიდვა აქვს მიღებული. აქედან, 710 640 ლარის ღირებულების 4 ხელშეკრულება თავდაცვის სამინისტროსთან 2020-2022 წლებში გააფორმა”, – წერს ორგანიზაცია.

“საერთაშორისო გამჭვირვალობა – საქართველოს” მიაჩნია, რომ მომსახურების გამარტივებული წესით შესყიდვა კონკურენციის არსებობას გამორიცხავს და კორუფციულ რისკებს ზრდის.

ორგანიზაცია მოუწოდებს ანტიკორუფციულ ბიუროს, გამოიძიოს ამ გამარტივებული შესყიდვის მიზანშეწონილობა; ასევე მოუწოდებს სახელმწიფო შესყიდვების სააგენტოს, უფრო მკაცრად მოეკიდოს პირდაპირი შესყიდვებისთვის თანხმობის გაცემის საკითხს

წინა სტატიააშშ-ის სახ.დეპარტამენტი: უკრაინაში ბრძოლის ველზე სიტუაცია უკიდურესად მძიმეა
შემდეგი სტატიამოსკოვის სასამართლომ მამუკა მამულაშვილს ორთვიანი პატიმრობა დაუსწრებლად შეუფარდა
ტელეკომპანია ოდიშის საინფორმაციო სამსახური