NATO არ აპირებს ჯარების გაგზავნას უკრაინაში – სტოლტენბერგი

0
65

ნატოს გენერალურმა მდივანმა იენს სტოლტენბერგმა განაცხადა, რომ ალიანსი არ აპირებს ჯარების გაგზავნას უკრაინაში- ამის შესახებ მან სააგენტო Associated Press-ს განუცხადა.

“ნატოს მოკავშირეები უპრეცედენტო მხარდაჭერას უწევენ უკრაინას. ჩვენ ამას ვაკეთებთ 2014 წლიდან და გავაძლიერეთ მხარდაჭერა სრულმასშტაბიანი შემოჭრის შემდეგ. მაგრამ არ არსებობს გეგმები ნატოს საბრძოლო ჯარების უკრაინაში გაგზავნაზე”, – თქვა მან.

შეგახსენებთ, საფრანგეთის პრეზიდენტმა განაცხადა, რომ უკრაინაში დასავლური ჯარების გაგზავნა მომავალში გამორიცხული არაა. ემანუელ მაკრონმა ეს განცხადება პარიზში, 20 ევროპელი ლიდერის შეხვედრის შემდეგ გააკეთა.

პოლონეთის პრეზიდენტმა დაადასტურა, რომ მოკავშირეებმა ამ თემაზე იმსჯელეს, თუმცა კონსენსუსს ვერ მაღწიეს.

გარდა ამისა, მაკრონის განცხადებას უკვე მოჰყვა მუქარა კრემლიდან. პუტინის პრესსპიკერმა პესკოვმა განაცხადა, რომ უკრაინაში ევროპელი სამხედროების გაგზავნით NATO-სთან ომი გარდაუვალი გახდება

წინა სტატიანარკოდანაშაულის ბრალდებით უცხო ქვეყნის 4 მოქალაქე დააკავეს
შემდეგი სტატიაევროპარლამენტმა უკრაინისთვის 50 მილიარდი ევროს ფინანსური დახმარება დაამტკიცა
ტელეკომპანია ოდიშის საინფორმაციო სამსახური