ე.წ. პიჯაკების საქმეზე დღეს მიხეილ სააკაშვილის სასამართლო პროცესი გაიმართება

0
52

დღეს თბილისის საქალაქო სასამართლოში მესამე პრეზიდენტის მორიგი პროცესი გაიმართება. სასამართლო ე.წ. პიჯაკების საქმეს განიხილავს. სხდომაზე დაცვის მხარის ორი მოწმე – მიხეილ მღებრიშვილი და სიმონ ნოზაძე უნდა გამოიკითხონ.

ადვოკატი, შოთა თუთბერიძე ამბობს, რომ უცნობია გამოცხადდებიან თუ არა ისინი. მისივე თქმით, მიხეილ სააკაშვილს სურვილი აქვს მონაწილეობა მიიღოს პროცესში, თუმცა ჯერ არაა ცნობილი შეძლებს თუ არა ამას.

“დღევანდელი პროცესი შეეხება მორიგ პოლიტიკურ საქმეს მიხეილ სააკაშვილის წინააღმდეგ, ეს არის ე.წ. პიჯაკების საქმე. ამჟამად ვიმყოფებით მტკიცებულებების გამოკვლევის ეტაპზე და უნდა დაიკითხოს ორი მოწმე, რომლებიც გამოძახებულები არიან დაცვის მხარის მიერ, მათ შორის, ერთ-ერთი გახლავთ ბატონი მღებრიშვილი, სამაშველო სამსახურის ამჟამინდელი უფროსი და სახელმწიფო დაცვის სპეციალური სამსახურის ყოფილი ხელმძღვანელი. ორივე მოწმეს აქვს ვალდებულება გამოცხადდნენ სასამართლოს წინაშე და მისცენ ჩვენება, თუმცა არ ვიცით დადასტურებულად ისინი გამოცხადდებიან თუ არა დღევანდელ პროცესზე”,- ამბობს ადვოკატი შოთა თუთბერიძე.

სხდომა 11:00 საათზეა ჩანიშნული.

წინა სტატიანიკა გვარამია პოლიტიკურ პარტიას მარტში წარადგენს
შემდეგი სტატიასპეციალურად “პიჯაკების საქმეზე” ჩავიცვი ერთ-ერთი პიჯაკი, რომელიც ნივთმტკიცებულებაა და მე არ უნდა მქონდეს- სააკაშვილი
ტელეკომპანია ოდიშის საინფორმაციო სამსახური