ტრამპის სენსაციური განცხადება და თეთრი სახლის შეფასება: “ეს შოკისმომგვრელია!”

0
149

აშშ-ის 45-ე პრეზიდენტმა დონალდ ტრამპმა გააჟღერა ისტორია, რომელიც მისი პრეზიდენტობის პერიოდს უკავშირდება. მან განაცხადა, რომ როცა სახელმწიფოს მეთაური იყო, მოკავშირე ქვეყნებს რუსეთის აგრესიის წახალისებით ემუქრებოდა. 

მისი თქმით, ნატოს იმ წევრ-სახელმწიფოების წარმომადგენლებს, რომლებიც ალიანსის ფარგლებში თავიანთ ვალდებულებებს არ ასრულებდნენ, ტრამპი ეუბნებოდა, რომ უფლებას მისცემდა რუსეთს, ის გაეკეთებინა, რასაც მოისურვებდა. 

თეთრ სახლში ტრამპის ამ განცხადებას უკვე უწოდეს “შოკისმომგვრელი”.

როგორც BBC იტყობინება, სამხრეთ კაროლინაში გამართულ წინასაარჩევნო მიტინგზე ტრამპმა განაცხადა, რომ აშშ არ დაიცავს ნატოს იმ წევრ ქვეყნებს, რომლებსაც ალიანსის გაძლიერებაში სათანადო წვლილი არ შეაქვთ. 

“ნატო ბანკროტი იყო, სანამ მე გამოვჩნდებოდი. მე ვთქვი: “ყველა გადაიხდის”. მათ მკითხეს: “მაგრამ თუკი ჩვენ არ გადავიხდით, თქვენ ხომ მაინც დაგვიცავთ?” მე კი მივუგე: “ნამდვილად არა!” მათ ეს არ სჯეროდათ…” – განაცხადა აშშ-ის 45-ე პრეზიდენტმა და სავარაუდო პრეზიდენტობის კანდიდატმა. 

წინა სტატიათელ-ავივში ნეთანიაჰუს მოწინააღმდეგე დემონსტრანტები დააკავეს
შემდეგი სტატიაილონ მასკი ისევ ოკუპანტების ირიბ მხარდამჭერად წარმოჩინდა
ტელეკომპანია ოდიშის საინფორმაციო სამსახური