მინიმუმ, 7 ადამიანია დაკავებული თელ-ავივში, დემონსტრაციაზე, სადაც შეკრებილთაგან უმრავლესობა ბენიამინ ნეთანიაჰუს მოწინააღმდეგე იყო. დემონსტრანტები მძევლების გათავისუფლებასთან ერთად, ახალი არჩევნების დანიშვნასაც ითხოვდნენ.
პოლიციის ინფორმაციით, აქციის მონაწილეებმა აიალონის გზატკეცილზე კოცონი დაანთეს და გზატკეცილის სამხრეთით მოძრაობა შეზღუდეს, რასაც დაკავებები მოჰყვა, რადგან სამხედრო მდგომარეობის დროს დემოსტრაციები გზის გადაკეტვით არ არის დაშვებული.