ზალუჟნის ნაცვლად ოლექსანდრ სირსკი – ზელენსკიმ სარდალს მადლობა გადაუხადა და გუნდში დარჩენა შესთავაზა

0
27

უკრაინის პრეზიდენტმა ვოლოდიმირ ზელენსკიმ შეიარაღებული ძალების სარდლად გენერალი ოლექსანდრ სირსკი წარადგინა.

ეს მას შემდეგ მოხდა, რაც პრეზიდენტი ზალუჟნის შეხვდა, უკრაინის ორწლიანი დაცვისთვის მადლობა გადაუხადა და მასთან ერთად განიხილა ახალი სარდლის კანდიდატურები. ზელენსკი ამბობს, რომ ზალუჟნის მის გუნდში დარჩენა შესთავაზა.

“შევხვდი გენერალ ვალერი ზალუჟნის. მე მას მადლობა გადავუხადე უკრაინის დაცვისთვის ორი წლის განმავლობაში. ჩვენ განვიხილეთ განახლება, რომელსაც მოითხოვს უკრაინის შეიარაღებული ძალები. ჩვენ ასევე განვიხილეთ, ვინ შეიძლება იყოს უკრაინის შეიარაღებული ძალების განახლებული ხელმძღვანელი. ასეთი განახლების დრო ახლაა. გენერალ ზალუჟნის შევთავაზე გუნდის შემადგენლობაში დარჩენილიყო. ჩვენ აუცილებლად გავიმარჯვებთ! დიდება უკრაინას!” – წერს ზელენსკი.

შეხვედრის შემდეგ სოციალურ ქსელში თავად ვალერი ზალუჟნიმაც დაწერა: “მიღებულ იქნა გადაწყვეტილება მიდგომებისა და სტრატეგიის შეცვლის აუცილებლობასთან დაკავშირებით”.

წინა სტატიასტიქიის ახალი კერა – მეწყერი ქვიშხეთშიც გააქტიურდა, მიმდინარეობს ევაკუაცია
შემდეგი სტატიავინ არის უკრაინის შეიარაღებული ძალების ახალი სარდალი ოლექსანდრ სირსკი
ტელეკომპანია ოდიშის საინფორმაციო სამსახური