ვერთვები კამპანიაში, როგორც “ნაციონალური მოძრაობა გამარჯვების პლატფორმის” წარმომადგენელი

0
101

საქართველოს მესამე პრეზიდენტი, მიხეილ სააკაშვილი აცხადებს, რომ აპირებს სათავეში ჩაუდგეს “ნაციონალური მოძრაობის” ბორდს და უშუალოდ ჩაერთვება წინასაარჩევნო კამპანიაში, როგორც “ნაციონალური მოძრაობა გამარჯვების პლატფორმის” წარმომადგენელი.

ამ თემაზე მან სასამართლო პროცესზე ჩართვის დროს ისაუბრა.

“მე ვაპირებ, რომ ჩავუდგე სათავეში ნაციონალური მოძრაობის პოლიტიკური აქტიურობის კომიტეტს, ასე ვთქვათ ბორდს, ვიყო ამ ბორდის თავმჯდომარე, თუ ამას მხარს დაუჭერენ პარტიის რიგითი წევრები. ამ ბორდში შემოვლენ პარტიის ლიდერები, მაგრამ ასევე ბევრი საზოგადოებრივი აქტიური მოღვაწე და მე მზად ვარ ამ არჩევნებში ვიყო აბსოლუტურად წინა ხაზზე პოლიტიკური ბრძოლის, იმიტომ რომ აქ წყდება საქართველოს ყოფნა არ ყოფნის საკითხი, აქ წყდება საკითხი საერთოდ გვექნება მომავალი თუ ეს მომავალი უიმედოდ დაიკარგა. […] მე მინდა ვთქვა, რომ ამ ბორდის ჩემი თავმჯდომარეობის თემაზე, პირველად არის, როცა უშუალოდ ვერთვები კამპანიაში, უშუალოდ ვერთვები, როგორც ნაციონალური მოძრაობა გამარჯვების პლატფორმის წარმომადგენელი, რა თქმა უნდა, მე ვრჩები უკრაინის მოქალაქედ, რა თქმა უნდა, ჩემთვის ეს არის ძალიან მნიშვნელოვანი, მაგრამ მე მინდა ყველას შევახსენ, რომ ბიძინა ივანიშვილი კენჭს იყრიდა როგორც ევროკავშირის მოქალაქე და ეს პრეცედენტი საქართველოში არსებობს”, – თქვა მიხეილ სააკაშვილმა.

წინა სტატიამთავრობის სტრატკომის უფროსი “იმედის” საინფორმაციო სამსახურის ხელმძღვანელი მიშა ფეიქრიშვილი იქნება
შემდეგი სტატიაპუტინის მტკიცებით, 2008 წელს აშშ-მ ზეწოლა მოახდინა ნატოს ქვეყნებზე უკრაინისა და საქართველოს მიღების საკითხზე
ტელეკომპანია ოდიშის საინფორმაციო სამსახური