საბაგირო გზის ხაზის ჩაწყვეტის შედეგად ოკუპირებულ აფხაზეთში, რიწის ნაკრძალზე, მდინარე გეგასთან ახლოს (გეგის ჩანჩქერთან), რუსი ტურისტი დაიღუპა.
მოსკოველი კაცი მარტო იყო – მისი სკამი რამდენიმე ათეული მეტრის სიმაღლიდან პირდაპირ დათოვლილ კლდეზე დაეცა. ტურისტმა მრავლობითი მოტეხილობა და სხვადასხვა სახის დაზიანებები მიიღო, რაც სიცოცხლესთან შეუთავსებელი აღმოჩნდა.
შარშან ამ ადგილიდან ოდნავ მოშორებით, ქვათაცვენას კიდევ ერთი ტურისტი ემსხვერპლა, რომელიც ასევე, რუსეთის მოქალაქე იყო.