ბაიდენი ადასტურებს, რომ სირიასა და ერაყში პროირანული ობიექტები მისი ბრძანებით დაიბომბა

0
51

ჯო ბაიდენმა დაადასტურა, რომ სირიასა და ერაყში არსებული პროირანული ძალების 85-ზე მეტი ობიექტი მისი ბრძანებით დაიბომბა:
“ჩვენი პასუხი დღეს დაიწყო და გაგრძელდება ნებისმიერ ადგილას და ნებისმიერ დროს იქ, სადაც ჩვენ გადავწყვეტთ”, – განაცხადა მან.

საერთო ჯამში, აშშ-ის სამხედრო-საჰაერო ძალებმა იერიშის დროს გამოიყენეს 125-მდე მაღალი სიზუსტის საბრძოლო მასალები, ამასთან, ბევრი თვითმფრინავი, მათ შორის, ბომბდამშენები, საგანგებოდ ამ ოპერაციაში მონაწილეობისთვის უშუალოდ აშშ-დან გადმოაფრინეს.

ობიექტებში, რომლებზეც იერიშია მიტანილი, შედის სამეთაურო პუნქტები, სადაზვერვო ცენტრები, რაკეტების, უპილოტო საფრენი აპარატების შესანახი ობიექტები, ლოგისტიკისა და საბრძოლო მასალების მიწოდების კვანძები.

“აშშ არ ეძებს კონფლიქტს ახლო აღმოსავლეთში ან სადმე სხვაგან, მაგრამ ყველამ, ვისაც სურს გვავნოს, უნდა იცოდეს: თუ თქვენ ზიანს მიაყენებთ ამერიკელებს, ჩვენ აუცილებლად გიპასუხებთ” – განაცხადა ჯო ბაიდენმა.

წინა სტატიაძალიან ყურადღებით ვაკვირდებით სამთავრობო ცვლილებას – ევროკავშირის ელჩი
შემდეგი სტატია“აქ სწავლა ჩემთვის ახალი გამოწვევაა” – ჩვენი ჟურნალისტის სტუდენტური ცხოვრება ავსტრიაში
ტელეკომპანია ოდიშის საინფორმაციო სამსახური