ევროკავშირის 9 დათქმის შესრულებასთან დაკავშირებით პარლამენტში “ოცნების” სამუშაო ჯგუფი შეიკრიბება

0
52

პარლამენტში “ქართული ოცნების” სამუშაო ჯგუფის პირველი შეხვედრა იწყება, სადაც ევროკავშირის 9 დათქმის შესრულებასთან დაკავშირებით გადასადგმელ ნაბიჯებზე უნდა იმსჯელონ.

მმართველი გუნდიდან შეხვედრას დაესწრება პარტიის თავმჯდომარე – ირაკლი კობახიძე, პარლამენტის თავმჯდომარე – შალვა პაპუაშვილი და სხვა წევრები. ოპოზიციიდან შეხვედრას არ ესწრება “ლელო”.

რაც შეეხება არასამთავრობო ორგანიზაციებს, შეხვედრაზე მხოლოდ ნაწილია მიწვეული, მათ შორის არ არიან “საერთაშორისო გამჭვირვალობა”, “საქართველოს ახალგაზრდა იურისტთა ასოციაცია” და “სამართლიანი არჩევნები”.

“დღეს ჩვენ გვექნება შეხვედრა სწორედ იმ სამუშაო ფორმატში, რომელზეც ჩვენ ვსაუბრობდით, რომ როგორც ოპოზიცია ისე სამოქალაქო სექტორი იქნება ჩართული ამ საკითხების განხილვაში. ჩვენი დღის წესრიგი ითვალისწინებს ყველა იმ საკითხის განხილვას, რომელიც 9 ნაბიჯიდან გამომდინარეობს, განსაკუთრებით ვფოკუსირდებით იმ საკითხებზე, რომლებიც პარლამენტის კომპეტენციაშია. […] ჩვენ თავიდანვე, უკვე წელიწად-ნახევარია, სამოქალაქო საზოგადოებასთან თანამშრომლობის ფორმატი გადის აღმოსავლეთ პარტნიორობის სამოქალაქო ორგანიზაციების პლატფორმაზე, რაც შეეხება თქვენ მიერ დასახელებულ ორგანიზაციებს, რომლებმაც წერილით მომმართეს და ამ წერილით გავიგე, რომ თურმე პლატფორმა დაუტოვებიათ, არ ვიცი, მათი არჩევანია ეს უნდათ თუ არა იყვნენ ჩართულნი ამ მხრივ პარლამენტის საქმიანობაში”, – თქვა პაპუაშვილმა.

წინა სტატიაღარიბაშვილს გადააყენებენ, პრემიერი კი კობახიძე გახდება – მედია
შემდეგი სტატიაროგორ შევასრულებთ EU-ს 9 რეკომენდაციას უნაკლოდ 1 წელიწადში! – “ლელო” ხვალ გეგმას გაასაჯაროებს
ტელეკომპანია ოდიშის საინფორმაციო სამსახური