ომის 703-ე დღეს უკრაინის ფრონტებზე განსაკუთრებულ ყურადღებას ისევ ავდეევკის მიმართულება იქცეევს, სადაც უწყვეტი შეტაკებები გრძელდება, ფრონტის სხვა მონაკვეთებზე კი განსაკუთრებული ცვლილებები არ შეინიშნება.
ამის მიუხედავად, საბრძოლო მოქმედებათა არეალი გაფართოებულია – გასული დღე-ღამის განმავლობაში უკრაინელებსა და ოკუპანტებს შორის 80-ზე მეტი შეტაკება მოხდა, აქედან უმრავლესობა – ავდეევკის მიმართულებაზე მოდის.
გასული 24 საათის განმავლობაში უკრაინელმა მეზენიტეებმა 4 “შაჰიდი” ჩამოაგდეს, ხოლო ქალაქი სლავიანსკი ოკუპანტებმა “ისკანდერით” დაბომბეს. საბედნიეროდ, დაბომბვამ ამჯერად უმსხვერპლოდ ჩაიარა.
გერმანიის კანცლერი ოლაფ შოლცი აშშ-ში ვიზიტს თებერვლის პირველ მონაკვეთში გეგმავს, ის ჯო ბაიდენს შეხვდება. მათ უკრაინისთვის უფრო ეფექტური დახმარების გაწევაზეც უნდა ისაუბრონ.