ევროპის საბჭოს საპარლამენტო ასამბლეის სხდომაზე ევროსაბჭოს მინისტრთა კომიტეტის პრეზიდენტმა დომინიკ ჰასლერმა რუსეთის აგრესიაზე საქართველოში და ოკუპირებულ რეგიონებში არსებულ მძიმე მდგომარეობაზე ისაუბრა. მან ასევე თქვა, რომ მნიშვნელოვანია დამტკიცდეს სამოქმედო გეგმა, რომელიც ქვეყნის საკანონმდებლო დონეს ევროპულ სტანდარტებთან დააახლოებს.
“უკრაინა სამწუხაროდ არ არის ერთადერთი ქვეყანა, ჩვენ ორგანიზაციაში, რომელმაც რუსული აგრესია გამოცადა. იგივე მოხდა საქართველოს შემთხვევაშიც, 31 ოქტომბრის მოხსენება საქართველოს ოკუპირებულ რეგიონებში, აფხაზეთსა და ოსეთში ადამიანების უფლებების შესახებ ძალიან მძიმეა. ამ რეგიონებს მართავენ დე ფაქტო ხელისუფლებები, რომლებსაც მხარს უჭერს რუსეთის ფედერაცია და ხელს უშლის საქართველოს სუვერენიტეტსა და ტერიტორიულ მთლიანობას. საქართველოს შემთხვევაში აუცილებელია დამტკიცდეს 2024-27 წლის სამოქმედო გეგმა, რომლის მიზანია საკანონმდებლო ინიციატივებისა და პრაქტიკის ჰარმონიზაცია ევროპულ სტანდარტთან ადამიანის უფლებების, კანონის უზენაესობისა და დემოკრატიის კუთხით”, – თქვა დომინიკ ჰასლერმა.