აშშ უკრაინის ბიუჯეტის დეფიციტის დასაფარად $11,8 მილიარდს გამოყოფს-

0
53

ამერიკის პრეზიდენტ ბაიდენის ადმინისტრაცია გეგმავს რომ დამატებით 11,8 მილიარდი დოლარის ოდენობის თანხა გამოყოს, რათა უკრაინის ბიუჯეტის დეფიციტი შეავსონ, – ამის შესახებ განცხადება აშშ-ის ფინანსების მინისტრმა ჟანეტ იელენმა უკრაინის პრემიერმინისტრთან, დენის შმიგალთან ვირტუალურად გამართულ შეხვედრაზე თქვა.

შეხვედრის შემდეგ ფინანსთა სამინისტროს მიერ გავრცელებულ განცხადებაში აღნიშნულია, რომ აშშ უკრაინისთვის პირდაპირი საბიუჯეტო დახმარებით ასტიმულირებს სხვა დონორებსაც, რომლებმაც 2024 წლის ბიუჯეტის სამი მეოთხედი უნდა შეავსონ.

აშშ-ის ეს დახმარება მოხმარდება როგორც მთავრობისთვის, ასევე საზოგადოებისთვის სასიცოცხლოდ საჭირო ინსტიტუტებს, მათ შორის საავადმყოფოებს, სკოლებსა და სასწრაფო დახმარების ჯგუფებს.

“უკრაინისთვის ფინანსური დახმარების გაწევა მჭიდროდ არის დაკავშირებული მის წარმატებასთან ბრძოლის ველზე”, – ამბობს ფინანსთა მინისტრი და დასძენს, რომ ეს დახმარება დასტურია აშშ-ისა და მისი მოკავშირეების მტკიცე გადაწყვეტილებისა, ერთად დაიცვან დემოკრატიული სახელმწიფოების თავისუფლება.

წინა სტატიაეჭვი გვაქვს რომ აქ საავადმყოფო არ აშენდება” – რესპუბლიკურის ექიმების პროტესტი
შემდეგი სტატიასაქართველო პუტინის მაგალითს მიჰყვება – POLITICO
ტელეკომპანია ოდიშის საინფორმაციო სამსახური