დავიწყებთ მუშაობას ჩვენ რეფორმებზე, რომ მოვემზადოთ 30+ წევრიანი კავშირისთვის – ლაიენი

0
81

ევროკომისიის პრეზიდენტის, ურსულა ფონ დერ ლეიენის განცხადებით, ევროკავშირის აღმასრულებელი ხელისუფლება ამზადებს გეგმას ბლოკის შიგნით რეფორმების შესახებ, რადგან EU გეგმავს უფრო მეტი წევრი ქვეყნის მიღებას, როგორიცაა უკრაინა.

ლეიენის განცხადებით, ევროკავშირი გეგმავს, რომ წევრების რაოდენობა 30-ზე მეტი გახდეს, რასაც წინასწარ სჭირდება მომზადება.

“ჩვენ ასევე დავიწყებთ მუშაობას საკუთარ რეფორმებზე, რათა მოვემზადოთ 30-ზე მეტი წევრი სახელმწიფოს გაერთიანებისთვის”, – განაცხადა ლაიენმა ევროპარლამენტში.

მისივე თქმით, პალატამ უკვე წარადგინა თამამი იდეები ხელშეკრულებების რეფორმებისთვის.

“მომავალ თვეში, კომისია გამოაქვეყნებს ჩვენს იდეებს ევროპარლამენტისა და საბჭოსთვის გაგზავნილ კომუნიკაციაში, ბელგიის პრეზიდენტის მიერ ორგანიზებული ლიდერების დისკუსიის წინ”, – თქვა მან.

ახლა ევროკავშირში 27 სახელმწიფოა გაერთიანებული. ბლოკმა დეკემბერში მიიღო გადაწყვეტილება, რომ უკრაინასთან და მოლდოვასთან გაწევრიანების შესახებ მოლაპარაკებები დაეწყო, ხოლო საქართველოსთვის კანდიდატის სტატუსი მიენიჭებინა. გარდა ამისა, გაწევრიანების სხვადასხვა ეტაპზე არიან დასავლეთ ბალკანეთის ქვეყნებიც.

წინა სტატიარუსეთის თავდაცვა ამბობს, რომ მოსკოვისა და ლენინგრადის ოლქებზე დრონებით თავდასხმა იყო
შემდეგი სტატიასაქართველო რუსების მიერ ბიზნესის დარეგისტრირებით ლიდერი ქვეყანაა
ტელეკომპანია ოდიშის საინფორმაციო სამსახური