ღამით რუსეთმა ოდესაზე უპილოტო საფრენი აპარატებით იერიში მიიტანა. რაიონის სახელმწიფო ადმინისტრაციის თავმჯდომარის ცნობით, დაშავდა 3 ადამიანი.
დაზიანდა საცხოვრებელი სახლი, საიდანაც 130 მოქალაქის ევაკუაცია განხორციელდა. ოდესის მერმა განაცხადა, რომ პრიმორსკის რაიონში საცხოვრებელ კორპუსში ხანძარი გაჩნდა, დაიწვა მანქანებიც.
თავდაცვის ძალებმა განაცხადეს, რომ რეგიონში 11 დრონი გაანადგურეს, მათი უმრავლესობა ზღვაში ჩავარდა. უწყება ამბობს, რომ რუსეთმა “შაჰიდის” ტიპის დრონები გამოიყენა, საჰაერო თავდაცვა თითქმის 3 საათის განმავლობაში მუშაობდა.