ქვეყანაში გრიპის ვირუსის აფეთქებაა – კლინიკებში მიმართვიანობა ბოლო დღეებში უპრეცედენტოდ გაიზარდა. მაღლი ტემპერატურით და სხვადსხვა მძიმე სიმპტომებით საავადმყოფოები პაციენტებით გადავსებულია.

ვირუსი ყველაზე რთულად ბავშვებს და ჩვილებს უტევთ. გაზრდილი მიმართვიანობის გამო, კლინიკების დერეფნებში დიდი რიგები დგას. სეზონური გრიპის გარდა, მთელს საქართველოში გაზრდილია კოვიდ ინფიცირების შემთხვევებიც, მათ შორის ბავშვებში.

ამ ეტაპზე რამდენიმე სახის ვირუსი მძვინვარებს. H1N1 ახალი არ არის, მოგეხსენებათ A ტიპის ვირუსია. წინა წლების განმავლობაშიც იყო და ახლაც ავადობის 25% სწორედ ამ ვირუსს უჭირავს და აწი ალბათ, შემთხვევები კიდევ უფრო იმატებს. ისე როგორც სხვა კლინიკები, ჩვენი კლინიკაც გადატვირთულია. საშუალოდ დღე ღამეში 45-50 პაციენტი გვაკითხავს. ხვდება კორონავირუსით დაავადებული ბავშვები, ომიკრონით შტამით. ასევე თანაბრად, საშუალოდ არის გავრცელებული რესპირატორული ვირუსი, როდესაც 2 წლამდე ასაკის ბავშვები საჭროებენ ჰოსპიტალიზაციას, რადგან ბრონხიორიტები ემართებათ. კლინიკური ნიშნები პრაქტიკულად ერთი და იგივე აქვს, მაღალი ცხელება, შეუპოვარი ცხელება, ადინამია”. – ამბობს პედიატრი მაია ჩხეიძე.