ოკუპირებული აფხაზეთის მარიონეტმა “პრეზიდენტმა” ე.წ. პარლამენტის მიერ მიღებულ “კანონს”, რომლითაც ბიჭვინთის აგარაკები რუსეთს გადაეცა, ხელი მოაწერა.
შესაბამისად, “კანონი” ძალაში შევიდა.
ე.წ. პარლამენტის ე.წ-მა დეპუტატებმა 180 ჰექტარზე მეტი ტერიტორია პუტინს დილის 6 საათზე ჩატარებულ “საგანგებო სხდომაზე” დაუმტკიცეს. პროცესს 35-დან 28 “დეპუტატი” ესწრებოდა, საიდანაც 25-მა მარიონეტმა “გადაწყვეტილებას” მხარი დაუჭირა.
ე.წ ოპოზიციონერები ამ ფაქტს “სამარცხვინოს” უწოდებენ და “კანონის” დაუყოვნებელი გაუქმებას მოითხოვენ. ოკუპირებულ აფხაზეთში იგეგმება საპროტესტო გამოსვლები.