ამის შესახებ სამეზობლო პოლიტიკისა და გაფართოების საკითხებში ევროკომისარმა, ოლივერ ვარჰეიმ ელჩების ყოველწლიურ კონფერენციაზე ვიდეო-მიმართვისას განაცხადა 2024 წელი საქართველოსთვის გადამწყვეტი იქნება.

ვარჰეის თქმით, არჩევნების წელს, სავარაუდოდ, არ მოიკლებს გეოპოლიტიკური გამოწვევები.

როგორც მან აღნიშნა, ევროკავშირი გააგრძელებს ევროინტეგრაციის გზაზე საქართველოსთან მუშაობას.

2024 მორიგი გადამწყვეტი წელი იქნება. თქვენ ქვეყანაში ჩატარდება არჩევნები და გეოპოლიტიკური გამოწვევებიც, სავარაუდოდ, არ იკლებს. ამავდროულად, კომისიის გაფართოების ანგარიშის 9 ნაბიჯის შესრულებით, ჩვენ გავაგრძელებთ ევროკავშირის გზაზე საქართველოსთან მუშაობას. საქართველო ევროპულ ოჯახს ეკუთვნის. გისურვებთ წარმატებულ 2024 წელს, რომელიც უფრო მეტად დაგაახლოებთ ევროპასთან”, – განაცხადა ვარჰეიმ.