EU-ს დროშის დაწვის კამპანია “ოცნების” მიერაა წახალისებული – კორძაია

0
113

პარლამენტის ოპოზიციონერი დეპუტატი თამარ კორძაია ამბობს, რომ EU-ს დროშის დაწვის კამპანია პრორუსი რადიკალების მიერ “ოცნების” მიერაა წახალისებული.

კორძაიას თქმით, “ოცნება” ცდილობს რუსეთს დაანახოს, რომ საქართველოში ყველას არ უნდა ევროპა.

ეს კამპანია წახალისებულია “ქართული ოცნების” მიერ, იმიტომ, რომ მმართველი გუნდი ორმაგი სტანდარტით მუშაობს და ვფიქრობ, რომ ეს ნაწილი ემსახურება იმას, რომ რუსეთს გაუგზავნონ გზავნილი, სადაც გამჩნდება, რომ საქართველოში ყველას არ უნდა ევროპა”, – ამბობს თამარ კორძაია.

ამ დრომდე უცნობია, დაიბარა თუ არა შინაგან საქმეთა სამინისტრომ რომელიმე ადამიანი გამოკითხვაზე, ვინც ევროკავშირის დროშა საჯაროდ დაწვა და დემონსტრაციულად ვიდეოც გადაიღო.

პრორუსი რადიკალები მასობრივი არეულობით იმუქრებიან. კანდიდატის სტატუსის მიღებიდან ერთ კვირაში ალტ-ინფომ ევროკავშირის დროშების დაწვის კამპანია დაიწყო. წვავენ დემონსტრაციულად, ამ დანაშაულს იღებენ და სოციალურ ქსელში ავრცელებენ. მათ შორის სასულიერო პირებიც. თუმცა ეს ყველაფერი არ არის. ამბობენ, რომ დროშების დაწვა მხოლოდ დასაწყისია და თუ მათი მოთხოვნა არ შესრულდება უფრო რადიკალურ ზომებზე გადავლენ.

ალტ-ინფოს წევრები ლაშა შარუხიას გათავისუფლებას ითხოვენ. ამბობენ, რომ კამპანია თვითორგანიზებულია და სოლიდარობას უცხადებენ მათ თანამებრძოლს, რომელიც პატიმრობაშია.

წინა სტატიაგახარიას გუნდის განცხადებები არაკაცურია – ჩიხლაძე
შემდეგი სტატიადროშის დაწვის გამო ადამიანის თავისუფლების აღკვეთა არ შეიძლება – იაგო ხვიჩია
ტელეკომპანია ოდიშის საინფორმაციო სამსახური