EU-ს ლიდერები რუსეთის წინააღმდეგ სანქციების მე-12 პაკეტზე შეთანხმდნენ

0
79

ევროკავშირის წევრი ქვეყნები რუსეთის წინააღმდეგ სანქციების მე-12 პაკეტზე შეთანხმდნენ – გადაწყვეტილება სამიტის პირველი დღის შემდეგ გამოქვეყნებულ წერილობით დასკვნაშია აღნიშნული.
„ევროპული საბჭო მიესალმება სანქციების მე-12 პაკეტის მიღებას. იგი ასევე მიესალმება შემზღუდავი ზომების დარღვევისთვის სისხლის სამართლის დანაშაულებისა და სასჯელის განსაზღვრის შესახებ დირექტივაზე მიღწეულ შეთანხმებას“, – ნათქვამია დოკუმენტში.

მანამდე, გავრცელდა ინფორმაცია, რომ სანქციების ტექსტი კვირის დასაწყისშივე იყო შეთანხმებული, თუმცა მის დამტკიცებას ავსტრია ბლოკავდა. ოფიციალური ვენა უკმაყოფილო იყო უკრაინის მიერ ავსტრიული ბანკის ომის საერთაშორისო სპონსორების სიაში შეყვანით.

სანქციების მე-12 პაკეტი, სხვა ზომებთან ერთად, ითვალისწინებს რუსული ბრილიანტების იმპორტის ეტაპობრივ აკრძალვას. გადაწყვეტილება ძალაში 2024 წლის 1-ლი იანვრიდან შევა.

წინა სტატია“ყველამ თავის გულში ჩაიხედოს, ვინ იბრძოდა კანდიდატის სტატუსის საწინააღმდეგოდ” – რუსული კანონის ავტორი, გურამ მაჭარაშვილი
შემდეგი სტატიაევროპა არის ლისაბონიდან თბილისამდე!”- ნიკა გვარამია
ტელეკომპანია ოდიშის საინფორმაციო სამსახური