დედაქალაქის მერი, კახა კალაძე არ გამორიცხავს, რომ საქართველოს მეხუთე პრეზიდენტმა მიხეილ სააკაშვილი შეიწყალოს.
„მე არაფერს არ გამოვრიცხავ. ისეთ განცხადებებს აკეთებს და ისეთი დღის წესრიგი აქვს, ყველაფერი მოსალოდნელია. ამ საკითხზე პრინციპული პოზიცია ჰქონდა და დღეს განსხვავებული მოსაზრება აქვს. სააკაშვილი კონკრეტულ საქმეებთან დაკავშირებით სასჯელს იხდის, თუმცა, პროკურატურის განცხადების მიხედვით, სხვა საქმეებზეც მიდის გამოძიება. ასე რომ, დაველოდოთ“, – განაცხადა კახა კალაძემ.
„მიხეილ სააკაშვილის შეწყალებაზე უარი არ განმიცხადებია”- ეს განცხადება კი რადიო თავისუფლებასთან სალომე ზურაბიშვილმა გააკეთა.