გალის IPRM-ის ფორმატი აღდგება, მაგრამ ქართული მხარე არ აპირებს იქ საზღვარგარეთის პასპორტით გადავიდეს – გამახარია

0
96

ჟენევაში, ფაქტობრივად, მიღწეულია შეთანხმება, რომ გალის კონფლიქტების პრევენციისა და მათზე რეაგირების მექანიზმის ფორმატი აღდგეს, მაგრამ ქართული მხარე არ აპირებს იქ საზღვარგარეთის პასპორტით გადავიდეს. ამის შესახებ აფხაზეთის უმაღლესი საბჭოს თავმჯდომარემ ჯემალ გამახარიამ განაცხადა.

„არსებობდა გალის ფორმატი – კონფლიქტების პრევენციისა და მათზე რეაგირების მექანიზმი. ჟენევაში, ფაქტობრივად, მიღწეულია შეთანხმება, რომ ეს ფორმატი აღდგეს, მაგრამ აქ წარმოიშვა სხვა საკითხი – ქართული მხარე არ აპირებს იქ საზღვარგარეთის პასპორტით გადავიდეს და მას იქ რაღაც შტამპი ჩაურტყან, კატეგორიული უარი არის ამაზე ნათქვამი და ამან შეაფერხა რამდენიმე თვით ამ ფორმატის განახლება. ჩვენ ახლახან მოვისმინეთ გალის დე ფაქტო გამგებლის, ფილიას განცხადება, რომ ენგურის პირას, იქითა მხარეს, მიმდინარეობს რაღაც სივრცის მოწყობა, არ მისული საგუშაგომდე, ხიდს რომ გადალახავ იქვე, სივრცე გაიხსნება, სადაც გაიმართება ეს შეხვედრები. ეს ისევ და ისევ ჟენევის ფორმატის შემადგენელი ნაწილია. ცხინვალში რასაც ვხედავთ პერიოდულად, იგივე ფორმატი იქნება“, – განაცხადა ჯემალ გამახარიამ.

გალში ჟენევის ფორმატის აღდგენაზე აფხაზური მხარეც აქტიურად საუბრობს. თუმცა, ქართული მხარისთვის ყოველგვარი პირობების წაყენება მიუღებელია. რამდენად რეალური საფუძველი არსებობს გალში აღდგეს ჟენევის ფორმატი? ოპოზიცია აცხადებს რომ მსგავსი ტიპის მოლაპარაკებებში საერთაშორისო ჩართულობა უნდა იყოს გაზრდილი, მიველი პარტია კი ამტკიცებს რომ ქვეყნის ინტერესების საწინააღმდეგოდ არცერთი ნაბიჯი არ იქნება გადადგმული.

წინა სტატიაპოლონეთში საქართველოს 3 მოქალაქე 19 წლის გოგონას გატაცების ბრალდებით დააკავეს
შემდეგი სტატიააშშ ცდილობს გაარკვიოს რამდენად რეალურია საქართველოში კოალიციური მთავრობის ფორმირება – ოპოზიცია
ტელეკომპანია ოდიშის საინფორმაციო სამსახური