რუსეთის მილიციის ვიცე-პოლკოვნიკი ამიდა მიდელაშვილი უკრაინელთა იერიშის დროს დაიჭრა

0
83

ოკუპანტი ქვეყნის მილიციის ვიცე-პოლკოვნიკი ამიდა მიდელაშვილი, რომელიც ხერსონის ოლქში რუსეთის იუსტიციის სამინისტროდან იყო გადანაწილებული, იმ 18 დაჭრილ ძალოვანთა შორისაა, რომლებიც ხერსონის ოლქის ოკუპირებულ დასახლებაზე უკრაინელთა იერიშის დროს დაშავდნენ.

კონკრეტულად, დროებით ოკუპირებულ ხერსონის რაიონის სოფელ იუბილეინეში, უკრაინელებმა HIMARS-ის ზუსტი დარტყმით მილიციის შენობა გაანადგურეს, სადაც იმ წუთებში თათბირი მიმდინარეობდა. დაბომბვის დროს 5 ძალოვანი მოკვდა, 18-მა კი სხეულის სხვადასხვა ხარისხის დაზიანება მიიღო.

39 წლის ამიდა მიდელაშვილი ყველაზე მაღალი თანამდებობის პირი იყო დაღუპულთა და დაჭრილთა შორის, მაგრამ თათბირს კიდევ ერთი ვიცე-პოლკოვნიკი – 44 წლის ტატიანა ტრომბოვეცკაია ესწრებოდა, რომელიც ასევე, დაიჭრა. დაჭრილთა შორის კიდევ ერთი ქალი – 46 წლის ლეიტენანტი ჟანა ხაბიროვაა. აფეთქების დროს, მინიმუმ, 5 სამსახურებრივი ავტომანქანაც დაზიანდა, შენობა, ფაქტობრივად, მიწასთანაა გასწორებული.

ცნობილია, რომ უკრაინის დაზვერვას თათბირის ჩატარების დრო და ადგილი ხერსონის ოლქის ოკუპირებულ ნაწილში სერიოზული წარმატებით მოქმედმა პარტიზანებმა შეატყობინეს, ხოლო მონაცემების დამუშავებისა და ზუსტი ლოკაციის დადგენის შემდეგ ZSU-მ საქმეში HIMARS ჩართო.

დაღუპულთა და დაჭრილთა უმრავლესობა ადგილობრივი კოლაბორანტია, დანარჩენები კი გაორმაგებული და გასამმაგებული ხელფასებით ხერსონის ოლქში სამუშაოდ რუსეთის სხვადასხვა ქალაქიდან წარგზავნილები.

მაგალითად, ამიდა მიდელაშვილის შესახებ ცნობილია, რომ ის იუბილეინეში ასტრახანიდან წარგზავნეს, როგორც გამოცდილი ხელმძღვანელი და, შესაბამისად, ჩვეულებრივზე სამჯერ მეტ ხელფასს უხდიდნენ, თუმცა, როგორც ჩანს, მას ანაზღაურების დიდი ნაწილის გადახდა გასართობი საღამოებისთვის კი არა, მედიკამენტებში მოუწევს, მის ხუთ კოლეგას კი “საიქიო-არენაზე”, იოსებ კობზონის კონცერტზე მოსახვედრად, შესაძლოა, გადამყიდველების დახმარებაც დასჭირდეთ, რადგან სალაროებში ბილეთები, კარგა ხანია, აღარ იყიდება…

წინა სტატია“უკრაინა არ წავა რაიმე კომპრომისზე რუსეთთან” კულება
შემდეგი სტატიალევან მურუსიძე – სანქციების საკითხი არ მაწუხებს იმიტომ, რომ 100%-ით მართალი ვარ
ტელეკომპანია ოდიშის საინფორმაციო სამსახური