ცნობილი უკრაინელი პოლიტოლოგი ვოლოდიმირ ფესენკო მიიჩნევს, რომ ვალერი ზალუჟნის შესაძლო გადაყენა უკრაინის საზოგადოებაში ბზარს გააჩენს, ასევე, საერთაშორისო საზოგადოების, უკრაინის მხარდამჭერი ქვეყნების მხრიდან უკრაინისადმი უნდობლობის მაპროვოცირებელი ფაქტორი იქნება.
“ეს, პირველ რიგში, როგორც უკრაინის შეიარაღებულ ძალებში, ასევე უკრაინის საზოგადოებაში უარყოფითი პოლიტიკური განწყობის შექმნას შეუწყობს ხელს, რადგან ახლა უკრაინელთა უმრავლესობა ერთდროულად უჭერს მხარს როგორც ზელენსკის, ასევე ზალუჟნის. ზალუჟნის გადაყენება ემოციურ დისონანსს გამოიწვევს.
ერთდროულად ორივეს მხარდაჭერა შეუძლებელი გახდება, ეს კი არ წაადგება უკრაინას გარე მტერთან ბრძოლაში, რომელშიც ჩაბმულები ვართ. და ეს მხოლოდ რბილი ფორმულირებაა”, – წერს ფესენკო.
–
– გვადევნეთ თვალი ტელეგრამზე, მუდმივად განახლებადი სიახლეებით –