არ თავდება რუსეთის საუკუნოვანი პოლიტიკა – ჩვენი მოქალაქეების მკვლელობა, გატაცება… ჩვენი პასუხი არის ერთი – მშვიდობა ევროპაში| ზურაბიშვილი

0
130

საქართველოს პრეზიდენტმა ოკუპანტების მიერ მოკლულ თამაზ გინტურის ოჯახსა და სრულიად საქართველოს მიუსამძიმრა და განაცხადა, რომ საქართველოსთვის ერთადერთი, მშვიდობიანი მომავალი არის ევროპულ ოჯახში ყოფნა.

პრეზიდენტმა ხვალ საღამოს 8 საათზე ღონისძიება დააანონსა, რომელიც ევროკომისიის დასკვნის გასაჯაროებასთან დაკავშირებით გაიმართება და საზოგადოება კიდევ ერთხელ გაუგზავნის გზავნილს ევროკავშირს.

თამაზ გინტურის მკვლელობასთან დაკავშირებით, ღონისძიება შეცვლილი ფორმატით გაიმართება:

“არ თავდება რუსეთის ერთგვარი საუკუნოვანი პოლიტიკა ჩვენი მოქალაქეების მკვლელობა, გატაცება, ჩვენ ტერიტორიაზე. ამას ჰქვია “რუსეთის მშვიდობიანი” პოლიტიკა. ჩვენ გვაქვს ეს გამოცდილება საუკუნეების მანძილზე, ვუყურებთ უცვლელად რუსეთის აგრესიას, რუსეთის განცხადებებს, რომ ვითომ არის ერთსულოვანი ჩვენი მეგობარი და რეალურად როგორ იქცევა ჩვენს ტერიტორიაზე. ჩვენი პასუხი ამ პოლიტიკაზე არის ერთი და მხოლოდ ერთი- ეს არის ევროპა, ეს არის მშვიდობა და მშვიდობა ევროპაში. ამიტომ არის რომ ჩვენ სხვა პერსპექტივას არც ვუყურებთ, არც გვჯერა სხვა პერსპექტივის და ძალიან გასაკვირია, თუ ვინმე შეიძლება საქართველოში სჯეროდეს მომავლის რუსეთთან ერთად, რუსეთისკენ შემყურე, ვინმეს სჯეროდეს, რომ შეიძლება წავიდეს და ისწავლოს რამე რუსეთში, ვინმე, რომელიმე ორგანიზაცია ჩადიოდეს და იმედი ჰქონდეს რომ მშვიდობიან მოლაპარაკებებს ჩაატარებს რუსეთთან, ჩვენი მომავალი არის ჩვენ პარტნიორებთან ერთად და არის ევროპაში

ხვალ იქნება ევროკავშირის კომისიის დასკვნა, რომელიც ძალიან მნიშვნელოვანია, ჩვენ ვგეგმავდით ხვალ 8 საათზე დიდ ღონისძიებას და დიდ კონცერტს, არა ზეიმისთვის, იმიტომ, რომ ზეიმი იქნება თუ მივიღეთ პასუხი დეკემბერში, მაგრამ იმისთვის რომ დაგვეწყო ხელმოწერების დიდი კამპანია, რომელშიც ყველა იქნება ჩართული, ყველა ჩვენი საზოგადოების ნაწილი. ეს უნდა იყოს ერთიანი, დიდი ინიციატივა, დიდი მობილიზაცია, დიდი აქტიურობა და ხვალ იქნება ამ დღის საწყისი. რადგან რუსეთმა სცადა კიდევ შეგვიცვალოს დღის წესრიგი და დღეს მართლაც მიგვაჩნია, რომ არ შეიძლება არანაირი კონცერტი, შევცვალეთ ხვალინდელი ღონისძიების სახე, მაგრამ, არა მისი არსი. ჩვენ ხვალ კიდევ ერთხელ ვიტყვით, რომ ჩვენი მომავალი არ არის რუსეთში და გვექნება დიდი გზავნილი ევროპისთვის – გავაგზავნით ევროპაში ჩვენ ხმას, შენ ხმას. არ იქნება კონცერტი, მაგრამ ამას არანაირი მნიშვნელობა არ აქვს შევიკრიბებით და დავიწყებთ ხელმოწერების კამპანიას. რუსეთი აწი ვერასოდეს ვეღარ შეგვიცვლის დღის წესრიგს” თქვა ზურაბიშვილმა.

წინა სტატიააშშ გმობს საქართველოში რუსეთის საოკუპაციო ძალების მიერ თამაზ გინტურის მკვლელობას
შემდეგი სტატიახვალ, 8 საათზე შევიკრიბებით, ეს იქნება ჩვენი ხმა ევროპას, დავიწყებთ ხელმოწერების კამპანიას | ზურაბიშვილი
ტელეკომპანია ოდიშის საინფორმაციო სამსახური