თბილისთან საკმაოდ ახლოს დავაკავეთ, დამატებით დაეკისრებათ 6-დან 8 წლამდე სასჯელი | ბრეგაძე გაქცეულ პატიმრებზე

0
111

იუსტიციის მინისტრის, რატი ბრეგაძის განცხადებით, “ავერსის” კლინიკიდან გაქცეული სამი პატიმრიდან თბილისში არცერთი არ დაუკავებიათ.

როგორც ბრეგაძე ამბობს სამივე მათგანის დაკავება თბილისთან ახლოს მოხდა.

“სამივე პატიმარი არის უკვე განთავსებული შესაბამის პენიტენციურ დაწესებულებაში და მათ, რა თქმა უნდა, როდესაც დასრულდება გამოძიება და სასამართლო პროცესი, დაეკისრებათ შესაბამისი სასჯელი… ერთადერთი რაც შემიძლია ამ ფაქტზე გითხრათ, ეს ადამიანები არ იყვნენ დაკავებული თბილისში, ისინი თბილისთან ძალიან ახლოს დავაკავეთ. ერთი ადამიანი ცოტათი ადრე, ორი ოდნავ მოგვიანებით”, – ამბობს რატი ბრეგაძე.

მისივე თქმით, სამივე დაკავებული სრულწლოვანია.

როგორც იუსტიციის მინისტრი განმარტავს, ბრალის დამტკიცების შემდეგ, დაკავებულებს 6-დან 8 წლამდე პატიმრობა ემუქრებათ.

წინა სტატიარუსული Red Wings თბილისის მიმართულებით სამარადანაც იფრენს
შემდეგი სტატიაბოლო რამდენიმე საათში “ცაჰალმა” 130 ტერორისტი გაანადგურა – ქალაქი ღაზა ალყაშია
ტელეკომპანია ოდიშის საინფორმაციო სამსახური