ოპოზიციონერი დეპუტატი თეონა აქუბარდია ირაკლი ბერაიას ბოდიშს არ ჯერდება და ითხოვს, თავდაცვის კომიტეტის თავმჯდომარემ თანამდებობა დატოვოს.

აქუბარდია ამბობს, რომ ბერაიამ მიდი დისკრედიტაცია სცადა და ბოდიშიც ცალყბად მოიხადა.

ის, რაც მან იკადრა და ისაუბრა ჩემი ქცევის მანერებზე, ეს იყო, რა თქმა უნდა, დისკრედიტაციის მიზნით და დისკრედიტაციას აქვს სხვადასხვა ფორმა, იქნება ეს პირადი ცხოვრების კადრების გამოქვეყნება, რაზეც ჯერ კიდევ არ დასრულებულა გამოძიება. ცალყბად ბოდიში ნამდვილად არაფერში მჭირდება, იმიტომ, რომ მან ახსნა მიზეზები, რის გამოც ეს იკადრა, რაც არ იხსნება და მეორე მხრივ, ის განცხადებები, რომელიც ამის შემდეგ ვნახეთ, ეს კიდევ ერთხელ მოწმობს, რომ არ იყო ეს მხოლოდ და მხოლოდ ემოციიდან გამომდინარე და სწორედ ამიტომ, მე ვფიქრობ, რომ ის არ შეესაბამება იმ თანამდებობას, რაც მას უკავია, – ამბობს აქუბარდია.

31 ოქტომბერს “ქართული ოცნების” დეპუტატებმა ქალ ოპოზიციონერებს პლენარულ სხდომაზე სიტყვით გამოსვლის დროს შეურაცხყოფა მიაყენეს და ისინი სექსისტურ კონტექსტშიც მოიხსენიეს.