ნიკა გვარამია სალომე ზურაბიშვილს სააკაშვილის შეწყალების თხოვნით მიმართავს

0
106

“მთავარი არხის” დამფუძნებელი, ნიკა გვარამია პრეზიდენტს მიმართავს და მიხეილ სააკაშვილის შეწყალებას სთხოვს. “ტვ პირველის” ეთერში მან თქვა, რომ მესამე პრეზიდენტი პოლიტიკური პატიმარია.

“მიხეილ სააკაშვილი არის პოლიტიკური პატიმარი, ეს უნდა გვესმოდეს და აქ უნდა დავსვათ წერილი. მიშა სააკაშვილის წინააღმდეგ გამოყენებულ იქნა წამებასთან მიახლოებული ფორმები, მინიმუმ არაადამიანური დამოკიდებულება და ჩვენ ეს გვანახეს.

სალომე ზურაბიშვილს, მე ჩემი შეწყალება არ მითხოვია მისთვის, მაგრამ ახლა მივცემ თავს უფლებას, პირდაპირი ეთერიდან მას ვთხოვ, რომ მიიღოს გადაწყვეტილება სააკაშვილთან დაკავშირებით. ადამიანი შეიძლება მოკვდეს. ის არ არის კარგად, მიუხედავად იმისა რომ უკეთ გამოიყურება, უკეთესად ლაპარაკობს და ასე შემდეგ, ის არის პატიმარი, ის არის პატიმარი პრეზიდენტი და სალომე ზურაბიშვილმა მიიღო უკვე, ასე ვთქვათ, მინიშნებები, რომ ისიც შეიძლება გახდეს პატიმარი პრეზიდენტი, მან უნდა გაარღვიოს ეს წრე, რომელშიც თვითონაც არის ახლა ამ წრის ტყვეობაში და უნდა გადააბიჯოს იმ არა და არასდროს და მიხეილ სააკაშვილი უნდა გაათავისუფლოს”, – თქვა ნიკა გვარამიამ.

წინა სტატიაავტოსაგზაო შემთხვევის დროს ზუგდიდელი ბაიკერი მალხაზ გოშუა დაიღუპა
შემდეგი სტატიაბაჩანა შენგელია ვერ აკონკრეტებს, იქნება თუ არა ნიკა გვარამიას მიერ დაანონსებულ ახალ პოლიტიკურ პარტიაში
ტელეკომპანია ოდიშის საინფორმაციო სამსახური