მახაჩყალის აეროპორტის ტერმინალში ანტისემიტების შეჭრის გამო თელ-ავივის რეისი სხვაგან დაეშვა

0
511

დაღესტანში აეროპორტმა მუშაობა შეაჩერა მას შემდეგ, რაც აეროპორტში შეგროვილი ხალხი ისრაელის რეისის მოლოდინში, ტერმინალში შეიჭრა. რეისი, რომელიც თელ-ავივიდან შესრულდა და მახაჩყალაში უნდა დაშვებულიყო, სხვა აეროპორტში დაეშვა. 

ისრაელის ხელისუფლების განცხადებით, თელ-ავივიდან ჩამოფრენილ რეისზე არ იყვნენ არც ებრაელები და არც ისრაელის სხვა მოქალაქეები.

ვოლოდიმირ ზელენსკი დაღესტნის აეროპორტის დარბევას გამოეხმაურა და განაცხადა, რომ რუსეთის აგრესიასა და ტერორს ანტისემიტიზმი და სხვა ხალხის მიმართ სიძულვილი კვებავს, ამ ყველაფერს კი კრემლის იდეოლოგები აღვივებენ.

შეგახსენებთ, რომ დღეს დაღესტანში სასტუმროს დარბევასაც აპირებდნენ, რომ არა ადმინისტრაცია, რომელმაც დემონსტრანტთა წარმომადგენლებს სასტუმროს ნომრები დაათვალიერებინა იმაში დასარწმუნებლად, რომ არცერთ ნომერში ისრაელის მოქალაქეები არ იმყოფებოდნენ, ხოლო ნალჩიკში დაწვეს მშენებარე ებრაული კულტურის ცენტრი. 

წინა სტატიამტერი ავდეევკის ალყაში მოქცევას ცდილობს, უკრაინელები – წინ წაწევას | ომის 613-ე დღე
შემდეგი სტატიაისრაელის არმია ღაზის სექტორს ჩრდილოეთიდან 3 კმ.-ის სიღრმეში აკონტროლებს
ტელეკომპანია ოდიშის საინფორმაციო სამსახური