მთავარისიახლეებიმსოფლიომეცოლას ინიციატივა - უკრაინელი და მოლდოველი კანონმდებლები დამკვირვებლებად ევროპარლამენტში

მეცოლას ინიციატივა – უკრაინელი და მოლდოველი კანონმდებლები დამკვირვებლებად ევროპარლამენტში

Published on

ევროპარლამენტის პრეზიდენტი, რობერტა მეცოლა გამოდის ინიციატივით, რომ ევროკავშირში გაწევრიანებამდე უკრაინელი და მოლდოველი დეპუტატები ასამბლეას შეუერთდნენ როგორც “დამკვირვებელი” წევრები, სანამ ორი ქვეყანა ელოდება ოფიციალურ გაწევრიანებას ევროკავშირში.

POLITICO-სთან ინტერვიუში მეცოლამ თქვა, რომ არ უნდა დაუშვან შეცდომა და თუ პოლიტიკურად ქვეყანა ევროპისკენ იხედება, მაშინ ევროპამ კარები ფართოდ უნდა გააღოს.

“ჩვენ შეგვიძლია კიდევ უფრო შორს წავიდეთ, ამ პარლამენტში დამკვირვებელი წევრები გვყავდეს – ეს არის ის, რაც მნიშვნელოვანია მოსახლეობისთვის. ეს დამოკიდებულია იმაზე, თუ რა მოხდება დეკემბერში”, – თქვა მეცოლამ.

ევროპარლამენტის პრეზიდენტმა აღნიშნა, რომ ამ საკითხზე ისაუბრებს ევროპარლამენტის პოლიტიკურ ჯგუფებთან და ფიქრობს, ანალოგიური წინადადება შეიმუშაოს ბალკანეთის ექვსი სახელმწიფოსთვის, რომლებიც ევროკავშირში გაწევრიანებას ელოდებიან.

დამკვირვებლის სტატუსი ნიშნავს, რომ დეპუტატები არ მიიღებენ მონაწილეობას კენჭისყრაში და იქნებიან ევროპარლამენტში დანიშნული და არა არჩეული წევრები. თუმცა, მოქმედი წესების მიხედვით, ქვეყნები ევროპარლამენტის საქმიანობაში წარმომადგენლობას მხოლოდ ევროკავშირში ოფიციალურად გაწევრიანების შემდეგ იღებენ.

წინადადებას უკვე გამოეხმაურა უკრაინის რადაში ფრაქცია “ხალხის მსახურის” თავმჯდომარე დავით არახამია და აღნიშნა, რომ “ძალიან აფასებს” მსგავს იდეას და ამით სულ მცირე 30 დეპუტატი იქნება დაინტერესებული.

სიახლეები

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...

2026 წლის იანვარ-სექტემბერში საქართველოში ავტოსაგზაო შემთხვევას 315 ადამიანი ემსხვერპლა

2026 წლის იანვარ-სექტემბერში საქართველოში 46 082 ავტოსაგზაო შემთხვევა მოხდა - დაიღუპა 315, ხოლო დაშავდა...