არავინ ავალდებულებს უნგრეთს იყოს ევროკავშირის წევრი – ბორელი

0
139

ევროკავშირის უმაღლესმა წარმომადგენელმა, ჯოზეფ ბორელმა ვიქტორ ორბანს შეახსენა, რომ არავინ ავალდებულებს უნგრეთს, იყოს ევროკავშირის წევრი. ამის შესახებ მან ევროპული რეფორმების ცენტრის ყოველწლიურ კონფერენციაზე “ევროპა და მსოფლიო” საუბრისას განაცხადა.

ორბანმა უნგრეთის ევროკავშირში გაწევრიანება საბჭოთა ოკუპაციას შეადარა, რაზეც ბორელმა უპასუხა, რომ ის ამ ორს მსგავსად არ მიიჩნევს.

“უნგრეთმა იცის საბჭოთა ოკუპაციის შესახებ. მახსოვს 1956 წლის ბუდაპეშტი რუსული ტანკებით ქუჩებში, 9 წლის ვიყავი… მართალი გითხრათ, მე ვერ ვხედავ მსგავსებას ბუდაპეშტის საბჭოთა ოკუპაციასა და ბერლეიმონტში მომხდარს შორის. ევროკომისიის შტაბბინა. რედ.) მე იქ არც ერთი ტანკი და არც ერთი იარაღი არ მინახავს. ყოველ შემთხვევაში, არავინ ავალდებულებს უნგრეთს იყოს ევროკავშირის წევრი. ეს არის თავისუფალი არჩევანი”, – თქვა ბორელმა.

ორშაბათს, საბჭოთა ხელისუფლების წინააღმდეგ უნგრეთის 1956 წლის აჯანყების წლისთავის აღსანიშნავად გამართულ ღონისძიებაზე სიტყვით გამოსვლის დროს ორბანმა თქვა:

“დღეს ჩნდება რაღაცეები, რომლებიც საბჭოთა დროს გვახსენებს. დიახ, ხდება, რომ ისტორია მეორდება. საბედნიეროდ, ის, რაც ოდესღაც ტრაგედია იყო, ახლა საუკეთესო შემთხვევაში კომედიაა. საბედნიეროდ, ბრიუსელი არ არის მოსკოვი. მოსკოვი ტრაგედია იყო. ბრიუსელი უბრალოდ ცუდი თანამედროვე პაროდიაა”.

წინა სტატიარუსეთი ენერგეტიკულ ობიექტებზე თავდასხმისთვის ემზადება – ჩვენ ვუპასუხებთ | ზელენსკი
შემდეგი სტატიასახალხო დამცველის კონსილიუმის ექიმებმა მიხეილ სააკაშვილი გასინჯეს | სამედიცინო დასკვნა
ტელეკომპანია ოდიშის საინფორმაციო სამსახური