მთავარისიახლეებიმსოფლიოაშშ და ევროკავშირი ისრაელს სახმელეთო ოპერაციის გადადებას სთხოვენ - Bloomberg

აშშ და ევროკავშირი ისრაელს სახმელეთო ოპერაციის გადადებას სთხოვენ – Bloomberg

Published on

გამოცემა Bloomberg წერს, რომ აშშ და ევროკავშირი სთხოვენ ისრაელს, გადადოს სახმელეთო ოპერაციის დაწყება – ომის მესამე ფაზა, რომელიც ისრაელმა ადრევე დააანონსა, თუმცა, ოფიციალურად “სახმელეთო ოპერაცია” არ უხსენებია. 

გამოცემა საკუთარ წყაროზე დაყრდნობით წერს, რომ ამ თხოვნის საფუძველი ის საიდუმლო მოლაპარაკებებია, რომლებიც ყატარის მონაწილეობით ჰამასთან მიმდინარეობს, მძევალთა გათავისუფლების მიზნით. 

საუბარია ამერიკელ მძევალთა გათავისფლებაზე, რის შესახებაც ჯო ბაიდენმა განაცხადა, რომ “ეს ახლა აშშ-ის ნომერ პირველი ამოცანაა”. 

შეგახსენებთ, “ჰამასსა” და “ისლამურ ჯიჰადს” ღაზის სექტორში ამ დრომდე 200-ზე მეტი მძევალი ჰყავს, ხოლო ორი: ამერიკელი დედა-შვილი (იუდითი და მისი 18 წლის შვილი ნატალი) მათ უკვე გაათავისუფლეს.

ამასთან, BBC-ის ჟურნალისტმა დაწერა, რომ დედა-შვილის გათავისუფლება ჰამასის ცალმხრივად გადადგმული ნაბიჯი იყო, რომელიც ტერორისტულმა ორგანიზაციამ “ჰუმანური მოსაზრებებით” ახსნა და არ ეს ჟესტი რაიმე სახის შეთანხმებას არ უკავშირდება. 

იუდით და ნატალი რანაანების გათავისუფლების შემდეგ, ეგვიპტის მხრიდან ღაზის სექტორის მიმართულებით დაიძრნენ სატვირთო მანქანები ძარაზე ჰუმანიტარული ტვირთით, რომელთა გადაადგილებისთვის “ცახალს” ხელი არ შეუშლია, თუმცა პრესსამსახურმა გაავრცელა განცხადება, რომ საღამოს ისრაელის არმიამ ლიბანში “ჰეზბოლას” პოზიციებს შეუტია. 

ამავე დროს, ისრაელის პრემიერის კანცელარიამ განცხადება გაავრცელა, რომ ხმები, თითქოს იგეგმება “ღაზის სექტორის გადაცემა პალესტინის ავტონომიისთვის”, სინამდვილეს არ შეეფერება და ერთადერთი მიზანი, რაც ბენიამინ ნეთანიაჰუმ დასახა, ჰამასის განადგურებაა. 

სიახლეები

ევროპა რუსეთის წინააღმდეგ ბოლო სამ წელში სანქციების ყველაზე მკაცრ პაკეტს ამზადებს-საფრანგეთის საგარეო საქმეთა მინისტრი

საფრანგეთის საგარეო საქმეთა მინისტრის ჟან-ნოელ ბაროს განცხადებით, ევროკავშირი რუსეთის წინააღმდეგ ყველაზე მკაცრი სანქციების ახალ...

ნეთანიაჰუმ ტრამპი ნობელის მშვიდობის პრემიაზე წარადგინა

ისრაელის პრემიერ-მინისტრმა ბინიამინ ნეთანიაჰუმ აშშ-ის პრეზიდენტ დონალდ ტრამპს აცნობა, რომ ნობელის მშვიდობის პრემიაზე მისი...

კახეთში დაჭრილი პირებიდან, ერთ-ერთი კახეთის პოლიციის თანამშრომელია

შინაგან საქმეთა სამინისტროს განცხადებით, კახეთში ორი პირის დაჭრის ფაქტზე 1999 წელს დაბადებული ნ.რ. დააკავეს....

საქართველოს საკითხებზე ევროპარლამენტში დღეს დებატები გაიმართება

ევროპარლამენტში დღეს საქართველოს საკითხზე დებატები გაიმართება - წინასწარ ცნობილი დღის წესრიგის მიხედვით, ევროპარლამენტარები კენჭს...