Z-პროპაგანდისტები წერენ, რომ უკრაინელებმა “სპეციალური სამხედრო ოპერაციის” განმავლობაში “ყველაზე სერიოზული იერიში” განახორციელეს.

გამთენიისას უკრაინის შეიარაღებულმა ძალებმა ქალაქ ბერდიანსკსა და ლუგანსკში რუსეთის საარმიო ავიაციის ბაზირების ადგილები ( სადაც განთავსებული იყო დამრტყმელი შვეულმფრენები- KA-52-ები; MI-28-ები; Mi-35/24 ; ასევე მოიერიშე-სატრანსპორტო MI-8/Mi-8AMTSH-ები) მასობრივად დაბომბა.

რუსეთის საჰაერო ძალების ტელეგრამ არხი ( FIGHTERBOMBER) ადასტურებს აღნიშნულ იერიშს და აცხადებს, რომ უკრაინელებმა რუსული შვეულმფრენების ბაზირების ადგილებსა და დროებით აეროდრომებზე იერიში ამერიკული MGM-140 ATACMS-ის კასეტური საბრძოლო მუხტის მქონე ტაქტიკურ-ბალისტიკური რაკეტებით მიიტანეს- ოკუპანტები მოთქვამენ, რომ ეს არის მიმდინარე ომის განმავლობაში არა ერთ-ერთი, არამედ ყველაზე ძლიერი დარტყმა რუსეთის შეიარაღებული ძალებისთვის- „დანაკარგებია, როგორც ცოცხალ ძალაში, ასევე ტექნიკაში”—-

ლუგანსკსა და ბერდიანსკში რუსული საარმიო ავიაციის ბაზირების ადგილებში განხორციელებულ მასშტაბურ იერიშებს ადასტურებს უკრაინის შეიარაღებული ძალების გენერალური შტაბიც.