სასამართლომ გაახმოვანა ის, რაც “ოცნებამ” დაუკვეთა | “ლელო” პრეზიდენტის იმპიჩმენტზე

0
109

პარტია “ლელო” საკონსტიტუციო სასამართლოს გადაწყვეტილებას, რომლის მიხედვითაც პრეზიდენტმა სალომე ზურაბიშვილმა კონსტიტუცია დაარღვია, საგანგებო ბრიფინგით გამოეხმაურა.

პარტიის პოლიტიკური საბჭოს თავმჯდომარე, ბადრი ჯაფარიძე ამბობს, რომ სასამართლომ გაახმოვანა ის, რაც “ქართულმა ოცნებამ” დაუკვეთა. მისი თქმით, “ოცნება” კვლავ ატარებს იმ პოლიტიკას, რომელიც რუსეთის, პუტინის ინსტრუქციებს ეფუძნება.

“რუსული დავალებების შემსრულებელი “ქართული ოცნება” კვლავ ატარებს იმ პოლიტიკას, რომელიც რუსეთის, პუტინის ინსტრუქციებს ეფუძნება. ცხადია, რომ პრეზიდენტის მიმართ იმპიჩმენტის პროცესის დაწყება სწორედ იყო ნაკარნახევი რუსეთის მხრიდან. ამიტომაც, შესაბამისად, ამოცანა იყო და არის “ქართული ოცნების” რომ ერთადერთი ინსტიტუცია, რომელიც ინარჩუნებდა დღემდე და ინარჩუნებს დამოუკიდებლობას, მოახდინა ამ ინსტიტუციისთვის დიდი დარტყმის მიყენება.

რა თქმა უნდა, სასამართლომ გაახმოვანა ის, რაც “ქართულმა ოცნებამ” დაუკვეთა და კობახიძემ კერძოდ, როგორც “ქართული ოცნების” თავმჯდომარემ. ამ შემთხვევაში კვლავ, კიდევ ერთხელ დადასტურდა, რომ საკონსტიტუციო სასამართლოც არის “ქართული ოცნების” ნების ბრმად აღმსრულებელი. საბოლოო ჯამში, რა თქმა უნდა, “ქართული ოცნების” ეს მცდელობა, გამომდინარე რუსეთიდან მიღებული ინსტრუქციებისგან, ემსახურება იმას, რომ ხელი შეუშალოს სალომე ზურაბიშვილის იმ უმნიშვნელოვანესი ვიზიტების განხორციელებაში, რომელიც ემსახურებოდა საქართველოსთვის ევროკავშირის წევრობის კანდიდატის სტატუსის მიღებას. ხელი შეუშალოს მის შეხვედრებს ევროპელ ლიდერებთან და ხელი შეუშალოს საქართველოს მიერ ევროკავშირის კანდიდატის სტატუსის მიღებას. ამას ემსახურება მთელი ეს ავანტიურა, რომელიც წამოიწყო “ქართულმა ოცნებამ” და რომელიც დღეს გაახმოვანა, სამწუხაროდ, “ქართული ოცნებისთვის” დაქვემდებარებულმა საკონსტიტუციო სასამართლომ,” – განაცხადა ჯაფარიძემ.

წინა სტატიასაკონსტიტუციო სასამართლომ სალომე ზურაბიშვილის მიერ კონსტიტუციის დარღვევა დაადგინა
შემდეგი სტატიასაია-ს აზრით, პრეზიდენტი ევროინტეგრაციის პროცესის ხელშეწყობის შესახებ მუხლით მოქმედებდა
ტელეკომპანია ოდიშის საინფორმაციო სამსახური