ღაზას სექტორის განუწყვეტელი დაბომბვის შემდეგ, გამთენიისას, ისრაელის შეიარაღებული ძალები პალესტინაში შევიდნენ – სახმელეთო ოპერაცცია დაიწყო.
პალესტინის მედიასაშუალებები იტყობინებიან, რომ პალესტინაში, დასავლეთ სანაპიროზე, ქალაქ ნაბლუსში, ისრაელის ძალები უკვე შევიდნენ და იქ გააფთრებული შეტაკებები მიმდინარეობს.
ღამის განმავლობაში, ღაზის სექტორის დაბომბვის პარალელურად, “ჰამასმა” გაავრცელა მიმართვა, რომ თუ დაბომბვა არ შეწყდებოდა, ისინი დაიწყებდნენ ტყვედ აყვანილების სათითაოდ დასჯას სიკვდილით და ამ პროცესს პირდაპირ ეთერში გადასცემდნენ.
მოგვიანებით კადრებიც (გაფრთხილება: ვიდეო შეიცავს ძალადობის სცენას!) გავრცელდა, სადაც ორ ადამიანს თავში გასროლით კლავდნენ, თუმცა, ამ დრომდე ოფიციალურად დადასტურებული არ არის, ნამდვილად არიან თუ არა ვიდეოზე ისრაელის მოქალაქეები.
ომის პირველ დღეს, 7 ოქტომბერს, ისრაელის სხვადასხვა კიბუცსა თუ ქალაქში, მოკლული მოქალაქეების რაოდენობამ 900-ს გადააჭარბა.
ღაზის დაბომბვას არ შევწყვიტავთ, თუნდაც ტყვეებს ზიანი მიადგეთ – ისრაელი “ჰამასის” მუქარაზე