თეთრი სახლი ისრაელში რამდენიმე ამერიკელის დაღუპვას ადასტურებს

0
120

თეთრი სახლი ისრაელში რამდენიმე ამერიკელის დაღუპვას ადასტურებს, თუმცა მათ ზუსტ რაოდენობას არ აკონკრეტებს.

როგორც CNN-ს წყარომ განუცხადა, დაიღუპა სულ მცირე 4 ამერიკელი. მისივე თქმით, ეს რიცხვი, სავარაუდოდ, გაიზრდება.

ეროვნული უშიშროების საბჭოს სპიკერის თქმით, აშშ-ის მთავრობა ყურადღებით აკვირდება სიტუაციას და აგრძელებს კონტაქტს ისრაელის ადგილობრივ ხელისუფლებასთან.

შეგახსენებთ, 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება ”ჰამასმა” აიღო და მას ოპერაცია ”ალ-აკსას” შტორმი ეწოდა.

სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია ”რკინის ხმლების” დაწყება გამოაცხადა.

ბოლო მონაცემების მიხედვით, ისრაელზე თავდასხმის შედეგად დაღუპულთა რიცხვმა 700-ს გადააჭარბა. ჯანდაცვის სამინისტროს მონაცემებით, დაშავებულთა რიცხვი 2 200-ს აღემატება. ასევე, ღაზას ჯანდაცვის სამინისტროს ცნობით, დაღუპულია 400-ზე მეტი პალესტინელი.

წინა სტატიაპოლონეთმა, ბულგარეთმა, რუმინეთმა და უნგრეთმა ისრაელიდან მოქალაქეების ევაკუაცია დაიწყეს
შემდეგი სტატიაისრაელზე „ჰამასის“ თავდასხმის ფონზე ნავთობის ფასი გაიზარდა
ტელეკომპანია ოდიშის საინფორმაციო სამსახური