ყოფილი სახალხო დამცველი, ნინო ლომჯარია ამბობს, რომ მაღალია ალბათობა, რომ ფარცხალაძე საქართველოს ხელისუფლების დავალებით მუშაობდა და საქართველოში რუსეთის ინტერესების გატარების ხარჯზე მდიდრდებოდა.
“გამარჯვების პლატფორმის” დამფუძნებელი არ გამორიცხავს, რომ რომ კიდევ იყოს მსგავსი გადაწყვეტილებები სანქცირებასთან დაკავშირებით აშშ-ს მიერ.
ღიმილისმომგვრელიცაა სუს-ის მხრიდან ეს განცხადება, რომ შესწავლას დაიწყებენ, იმიტომ, რომ ძალიან მაღალია ალბათობა, რომ ოთარ ფარცხალაძე სწორედ საქართველოს ხელისუფლების დავალებით და მათთან კოორდინაციით და კომუნიკაციით მუშაობდა და მდიდრდებოდა იმის ხარჯზე, რომ საქართველოში რუსეთის, ამ ოკუპანტი და ტერორისტი სახელმწიფოს ინტერესებს ატარებდა. არ გამოვრიცხავ, რომ არის ზოგადად ინტერესი საქართველოში მიმდინარე პროცესების მიმართ და ვინ ახდენს საქართველოში რუსული გავლენების გაძლიერებას, ამიტომ, ვერ გეტყვით, რა იგეგმება, მაგრამ არ გამოვრიცხავ, რომ კიდევ იყოს მსგავსი გადაწყვეტილებები”. – ამბობს ნინო ლომჯარია.