ამერიკის შეერთებული შტატები აცხადებს, რომ “არ დააყოვნებს” სანქციების დაწესებას, თუკი ჩრდილოეთ კორეა რუსეთს იარაღს გადასცემს. CNN-ის ცნობით, ამის შესახებ სახელმწიფო დეპარტამენტში პუტინისა და კიმ ჩენ ინის შეხვედრის შემდეგ განაცხადეს.
“ჩვენ უკვე მივიღეთ მთელი რიგი ქმედებები იმ სუბიექტების დასასანქცირებლად, რომლებიც შუამავლობდნენ იარაღის გაყიდვას ჩრდილოეთ კორეასა და რუსეთს შორის. ჩვენ არ დავაყოვნებთ დამატებითი სანქციების დაწესებას საჭიროების შემთხვევაში,” – განაცხადა სახდეპის სპიკერმა მეთიუ მილერმა.