ჯო ბაიდენი – „დიდი ოცეულის“ სამიტზე უკრაინაში მშვიდობის საკითხთან დაკავშირები თანხმობა არსებობდა

0
39
WASHINGTON, DC - JANUARY 03: U.S. President Joe Biden speaks during a virtual meeting about reducing the costs of meat through increased competition in the meat processing industry in the South Court Auditorium at the Eisenhower Executive Office Building on January 3, 2022 in Washington, DC. President Biden heard from Attorney General Merrick Garland, Secretary of Agriculture Tom Vilsack, and independent farmers. (Photo by Sarah Silbiger/Getty Images)

აშშ-ის პრეზიდენტის, ჯო ბაიდენის განცხადებით, ინდოეთში გამართული „დიდი ოცეულის“ სამიტის მონაწილეებს შორის უკრაინაში სამართლიანი მშვიდობის დამყარებასთან დაკავშირებით თანხმობა არსებობდა.

„ჩვენ ვისაუბრეთ რუსეთის სასტიკ და უკანონო ომზე უკრაინაში და დარბაზში იყო საკმარისი თანხმობა სამართლიანი, სამართლიანი და ხანგრძლივი მშვიდობის აუცილებლობის შესახებ, რომელიც იცავს გაერო-ს წესდების პრინციპებს და პატივს სცემს სუვერენიტეტსა და ტერიტორიულ მთლიანობას“, – აღნიშნა ბაიდენმა ვიეტნამში გამართულ პრესკონფერენციაზე.

შეგახსენებთ, ინდოეთმა 9-10 სექტემბერს „დიდი ოცეულის“ სამიტს უმასპინძლა, რომლის ფარგლებშიც ქვეყნებმა ერთობლივი დეკლარაცია შეათანხმეს. დეკლარაციის ტექსტში არ არის საუბარი უკრაინის წინააღმდეგ ომთან დაკავშირებით რუსეთის ქმედებების დაგმობაზე, ამის ნაცვლად აღნიშნულია, რომ ომმა ადამიანების უზარმაზარი ტანჯვა გამოიწვია. დეკლარაცია ყველა ქვეყანას გაერო-ს წესდების დაცვისა და ნებისმიერი სახელმწიფოს ტერიტორიული მთლიანობის, სუვერენიტეტისა და პოლიტიკური დამოუკიდებლობის წინააღმდეგ მიმართული ქმედებებისგან თავშეკავებისკენ მოუწოდებს. უკრაინის საგარეო საქმეთა სამინისტრომ დეკლარაცია გააკრიტიკა და განაცხადა, რომ მასთან დაკავშირებით საამაყო არაფერია. რუსეთის საგარეო საქმეთა მინისტრმა, სერგეი ლავროვმა კი განაცხადა, რომ სამიტი წარმატებით დასრულდა და დასავლეთის ქვეყნებმა სამიტის დღის წესრიგის „უკრაინიზაცია“ ვერ მოახერხეს.

წინა სტატიამაროკოში მიწისძვრის შედეგად დაღუპულთა რაოდენობამ 2 100-ს გადააჭარბა
შემდეგი სტატიაენტონი ბლინკენი – ვლადიმერ პუტინმა უკვე წააგო მცდელობა, უკრაინა რუკიდან წაეშალა
ტელეკომპანია ოდიშის საინფორმაციო სამსახური