გარემოს დაცვის სააგენტოს ხელმძღვანელი ვასილ გედევანიშვილი აცხადებს, რომ დასავლეთ აქართველოს უმეტეს რაიონებში არამდგრადი ამინდი შენარჩუნდება.
„მეწყრული პროცესები განავითარა უხვმა ნალექმა, რომელიც გუშინ მოვიდა რეგიონში და შეიძლება ითქვას, ეს უკანასკნელ წლებში ნალექის ყველაზე მაღალი მაჩვენებელი იყო. ზოგიერთ ლოკაციაზე დაახლოებით 160 მმ-ს აჭარბებდა, რაც საკმაოდ დიდი მაჩვენებელია. ამ დღეებშიც ველოდებით არამდგრად ამინდებს, მოსალოდნელია ნალექი, ამიტომ მაქსიმალურად ვცდილობთ, ყველა ადგილი იყოს შესწავლილი. ჩვენ ადგილზე ვიმყოფებით და ასეთი საფრთხის შემთხვევაში, აუცილებლად შევატყობინებთ მოსახლეობას“, – განაცხადა ვასილ გედევანიშვილმა.