გურიაში, სხვადასხვა სოფელში, 3 პირის, მათ შორის 2 არასრულწლოვანს ეძებენ – შსს

0
41

შინაგან საქმეთა სამინისტროს ცნობით, ამ ეტაპზე გურიაში, სხვადასხვა სოფელში, 3 პირის, მათ შორის 2 არასრულწლოვანის მიმართ მიმდინარეობს ძებნის ღონისძიება.

უწყება ამბობს, რომ ძლიერი ნალექის შედეგად დატბორილია საცხოვრებელი სახლები, საველე საბარგულები, მოტეხილია ხეები, ჩამოშლილია მიწის მასები, გარე სამყაროს მოწყვეტილია გურიის რეგიონის რამდენიმე სოფელი.

“სტიქიის ადგილებზე მობილიზებულები არიან შინაგან საქმეთა სამინისტროს შესაბამისი დანაყოფების წარმომადგენლები და კომპეტენციის ფარგლებში ატარებენ საჭირო ღონისძიებებს.

ამ ეტაპზე გურიაში, სხვადასხვა სოფელში, 3 პირის, მათ შორის 2 არასრულწლოვანის მიმართ მიმდინარეობს ძებნის ღონისძიება. დამატებითი ინფორმაცია ზუსტდება და ეტაპობრივად ეცნობება საზოგადოებას”, – წერია განცხადებაში.

შინაგან საქმეთა სამინისტროს განცხადებით, საგანგებო სიტუაციების მართვის სამსახურში 100-ზე მეტი შეტყობინებაა შესული გურიის და აჭარის რეგიონებიდან.

წინა სტატიაწყალდიდობა გურიაში – დატბორილია სახლები, გზები, განვითარდა მეწყრული პროცესები
შემდეგი სტატიაგურიაში სტიქიის შემოტევის შემდეგ, სამ ადამიანს, მათ შორის, ორ ბავშვს ეძებენ – საგანგებო
ტელეკომპანია ოდიშის საინფორმაციო სამსახური