უკრაინელები აგრძელებენ შეტევით წინსვლას რუსული თავდაცვითი ზღუდეების წინააღმდეგ – თავდაცვის პირველი, ყველაზე რთული ხაზი გარღვეულია და შემდეგი ხაზები, შესაძლოა, არ იყოს ისეთი რთულად გადასალახავი, როგორიც პირველი იყო, თუმცა, ისინი მაინც გამოწეად რჩება უკრაინის შეიარაღებული ძალებისთვის. ამის შესახებ ამერიკის ომის შემსწავლელი ინსტიტუტის (ISW) ანალიტიკოსები წერენ.
თავდაცის შემდეგი ხაზები შედგება ასევე დანაღმული ველებისგან, ე.წ. “დრაკონის კბილებისგან” და ტრანშეებისგან.
შეგახსენებთ ასევე, რომ პირველი თავდაცვითი ხაზი გარღვეულია და უკრაინელების შეჭრამ სიღრმეში 6 კმ-ზე მეტი შეადგინა.
ამასთან დაკავშირებით პოდოლიაკმა განაცხადა, რომ რუსეთის არმია საბოლოო დამარცხების რეალური საფრთხის წინაშე დგას.
რაც შეეხება პოზიციებს: უკრაინელები სამხრეთის ფრონტზე მიიწევენ წინ და ცდილობენ, საცეცხლე კონტროლის ზონაში მოაქციონ ყირიმთან დამაკავშირებელი დერეფანი.
ზაპოროჟიის მიმართულებაზე უკრაინელებმა რუსეთის თავდაცვის ხაზი 6-8 კმ-ით გაარღვიეს