მხოლოდ უკრაინის ომის პერიოდში რუსეთის სპეცსამსახურებმა შექმნეს ათობით ვებ-პორტალი და “ტელეგრამ” არხი, სადაც ქართველი მებრძოლების პირადი ინფორმაციაა განთავსებული. ერთ-ერთი ასეთი საიტია დამოუკიდებელი საინფორმაციო ცენტრი, სადაც ქართველ მებრძოლებს 32 გვერდი ეთმობა, პორტალზე განთავსებულია 316 მებრძოლის ე.წ. დოსიე.
ე.წ. დამოუკიდებელი საინფორმაციო ცენტრის “ვოლონტერის” “შავ სიაში”, მებრძოლებთან ერთად, “ოდიშინიუსის” რედაქტორი და ტელეგრამ-არხის ადმინისტრატორი, ჟურნალისტი ლაშა ბერულავაცაა შეყვანილი.
პორტალზევეა მისი პირადი მონაცემები: დაბადების წელი, თვე და რიცხვი, პირადი ნომერი, მისამართი, ოჯახთან ერთად გადაღებული ფოტოები, მონაცემები შვილების შესახებ და სხვ.